Есдүгээр сарын 4-ний өдөр Хятад улсын дарга Ши Жиньпин Бээжингийн Ардын их хурлын ордонд Хятад Африкийн хамтын ажиллагааны форумын Бээжингийн дээд хэмжээний уулзалтад оролцохоор Хятадад ирсэн Танзанийн ерөнхийлөгч Самиа Шийдэл Хассантай уулзав.
Ши Жиньпин хэлэхдээ, энэ онд Хятад Танзани дипломат харилцаа тогтоосны 60 жилийн ой тохиож байна. Танзанийн талтай хамтаар, Хятад, Танзанийн иж бүрэн стратегийн хамтын ажиллагааны түншлэлийн харилцааг бүх талаар ахиулан, гүнзгийрүүлэн хөгжүүлж, хоёр орны харилцаа хоёр ард түмэнд илүү их ашиг тусаа өгч, Хятад Танзанийн уламжлалт найрсаг харилцааг үеийн үед уламжлан хөгжүүлэхэд Хятадын тал бэлэн байна. Энэхүү дээд хэмжээний уулзалтаар боломж болгож Танзани-Замбийн төмөр замыг илүү их ахиц дэвшилд хүргэж, Зүүн Африкийн төмөр зам-далайн тээврийн сүлжээг сайжруулахад хамтран ажиллаж, Танзанийг Хятад-Африкийн "Бүс ба Зам"-ын бүтээн байгуулалтыг чанарын өндөр түвшинд гүнзгийрүүлэх үлгэр жишээ бүс болгон хөгжүүлэхэд Хятад улс бэлэн байна.
Самиа Хассан хэлэхдээ, Хятад улс өмнөх дээд хэмжээний уулзалтын үр дүнг идэвхтэй хэрэгжүүлж, холбогдох хамтын ажиллагаа нь Африкийн орнуудын эдийн засаг, нийгмийн хөгжлийг ахиулахад чухал үүрэг гүйцэтгэсээр байна. Энэхүү Бээжингийн дээд хэмжээний уулзалт нь Африк, Хятадын найрсаг хамтын ажиллагааг гүнзгийрүүлэхэд шинэ хувь нэмэр оруулж, Африкийн аж үйлдвэржилт, хөдөө аж ахуйн шинэчлэлийн үйл явцыг үр дүнтэй ахиулна гэж найдаж байна гэжээ.
Ши Жиньпин дарга Замбийн Ерөнхийлөгч Хакаинде Хичилематай уулзахдаа, Замбитай хөгжлийн боломжоо хуваалцаж, улам олон аж ахуйн нэгжийг Замбийн шинэ эрчим хүч, усны нөөцийг хөгжүүлэх, цахилгаан эрчим хүч зэрэг салбарын хамтын ажиллагаанд идэвхтэй оролцуулж, Замби, Африкийн аж үйлдвэржилт, орчин үеийн шинэчлэлийн үйл явцыг дэмжихэд Хятад улс бэлэн байна гэж онцлов.
Хакаинде Хичилема хэлэхдээ, Хятад улстай хамтын ажиллагаагаа бүх талаар гүнзгийрүүлж, хоёр орны иж бүрэн стратегийн хамтын ажиллагааны түншийн харилцааны түвшинг тасралтгүй дээшлүүлж, Хятадын аж ахуйн нэгжүүд хөрөнгө оруулахыг Замби дэмжиж байна. Хятад улс энх тайван, яриа хэлэлцээг ахиулах эрмэлзэлтэй бөгөөд дэлхийн энх тайван, тогтвортой байдлыг ахиулахад чухал, бүтээлч үүрэг гүйцэтгэсэн гэв.
Ши Жиньпин дарга мөн Мозамбикийн Ерөнхийлөгч Фелипе Жакинто Нюси, Этиопын Ерөнхий сайд Ахмед Али Абий нартай тус тус уулзав.
