Испанийн Ерөнхий сайд Педро Санчес Хятад улсад албан ёсны айлчлал хийсэнтэй холбогдуулан есдүгээр сарын 10-нд, Испанийн хөлбөмбөгийн Ла лигийн тэмцээнийг Хятадын эх газар, Макаогийн бүс дамжуулах эрхийн талаарх хамтын ажиллагааны асуудлаар тохиролцоонд хүрч, ХТРТ-ийн бүх хэвлэл мэдээллийн платформаар уг тэмцээнийг дамжуулан мэдээлэх болсноо Хятадын төв радио телевиз болон Испанийн мэргэжлийн хөлбөмбөгийн холбоо хамтдаа зарласан байна. 

ХКН-ын Төв Хорооны Суртал ухуулгын яамны орлогч сайд, Хятадын Төв радио телевизийн захирал Шэнь Хайшюн, Испанийн мэргэжлийн хөлбөмбөгийн холбооны дарга Тебас нар мөн өдөр Бээжинд хамтран ажиллах тухай санамж бичигт гарын үсэг зурлаа.

Шэнь Хайшюн Тебастай уулзах үеэр хэлэхдээ, Испанийн мэргэжлийн хөлбөмбөгийн лигийн холбоотой байх хамтын ажиллагааг ХТРТ дээд хэмжээнд чухалчилж, өргөн цар хүрээтэй ажил хэрэгч хамтын ажиллагаагаар хоёр орны ард түмний гүн зузаан найрамдлыг тасралтгүй урагшлуулахад бэлэн байна гэжээ.