Өчигдөр (9-р сарын 10) өглөө Air China компанийн CA1523 дугаартай нислэг Бээжингийн олон улсын нисэх онгоцны буудлаас нисч Шанхайн Хунчяо нисэх онгоцны буудалд газардсан байна, энэ нь таван одтой улаан туг зүүсэн анхны C919 онгоц байсан бөгөөд албан ёсоор ашиглалтад орсон байна.

Үдээс өмнийн 11:06 цагт, Нийслэлийн нисэх онгоцны буудлаас Шанхай руу ниссэн Air China компанийн CA1523 дугаартай онгоцонд 157 зорчигч сууж, зорчигч тээвэрийн ачаалал 93%-д хүрчээ. Таван одтой улаан туг зүүсэн дотоодын том онгоцонд сууж үзэхээр олон жуулчид тусгайлан энд ирсэн байлаа.

Зорчигч: Би Тяньжинь хотоос тусгайлан энд ирж, энэ удаагийн анхны нислэгт сууж үзлээ. Онгоцны суудлууд нь харьцангуй том, суудлуудын хоорондох зай нь их учир, суугаад аялахад маш тааламжтай сайхан байна, би маш их баяртай байна, бас маш их догдолж байна гэжээ.