Сэтгүүлч Хятадын газрын ховор элементийн группээс мэдээлснээр, Хятад улс Сычуань мужийн Ляншань жөүгийн нутгаас шинээр 4 сая 960 мянган тонны газрын ховор элементийн нөөц илрүүлжээ. Хятадын газрын ховор элементийн группийн холбогдох албан тушаалтан хэлэхдээ, дараагийн алхамд үйлдвэрлэлийн хяналтын чадавхыг нэмэгдүүлэхийн тулд нөөц баялгийг нэгтгэн төлөвлөж, аж үйлдвэрийн хамтын ажиллагааны хэрэгжилтийг зохицуулах болно. Үүний зэрэгцээ нөөц, олборлолтыг нэмэгдүүлэх ажлыг эрчимтэй ахиулж, Хятад улсын газрын ховор элементийн нөөцийг хөгжүүлэх аюулгүй байдлын шинэ хэв маягийг бий болгох ажлыг түргэтгэж, газрын ховор элементийн нөөц, аж үйлдвэрийн стратегийн гол бүсийг бий болгоно гэжээ.

Газрын ховор элемент нь сканди, иттри, лантанидын цувралын 17 элементийн ерөнхий нэр бөгөөд энэ нь "үйлдвэрлэлийн натрийн глутамат" гэгддэг бөгөөд Хятад улсын стратегийн чухал ашигт малтмалын нөөц юм. Түүнчлэн Хятад улс бол дэлхийн хамгийн том газрын ховор элементийн нөөц, хамгийн том олборлогч юм. Газрын ховор элементийг сансар огторгуй, тусгай материал, металлурги, эрчим хүч, хөдөө аж ахуй зэрэг олон салбарт өргөнөөр ашигладаг.