9-р сарын 10 бол БНХАУ-ын 40 дэх багш нарын баяр, харин Хятадын уламжлалт Тэргэл сарын баяр маргааш буюу 9-р сарын 17-нд тохиож байна. Ийнхүү БНХАУ-аас Монгол улсад суугаа ЭСЯ санаачлан Улаанбаатар дахь Хятадын соёлын төв, Улаанбаатар хот дахь Күнзийн институт, тэнхимүүд хамтран Тэргэл сарны баяр болон 40 дэх багш нарын баярыг тэмдэглэх арга хэмжээг зохион байгууллаа. Арга хэмжээнд Монгол улсад ажиллаж буй Хятад хэлний багш нар, Хятад хэлний хөтөлбөртэй сургуулиудын захирал, төлөөлөгчид, хятад хэл сурч буй хүүхэд залуус 200 гаруй хүн оролцжээ.

Монгол улсын ерөнхий боловсролын нийт 60 гаруй сургуульд Хятад хэлний хөтөлбөртэй байж, Хятадын 140 гаруй багш сурган хүмүүжүүлэгч Монгол улсад томилогдон ажиллаж байна.

БНХАУ-аас Монгол улсад суугаа онц бөгөөд бүрэн эрхт элчин сайд хатагтай Шэнь Миньжуань Монгол улсад ажиллаж буй Хятад хэлний багш нарт тэргэл сарын баяр болон багш нарын баярын халуун мэндчилгээ дэвшүүлж, “Хятад хэл сурч буй хүүхэд залуус та бүхэн Хятад, Монголын найрамдлын элч болж,  цаашид Хятад, Монголын найрамдалд хувь нэмрээ оруулах болно гэдэгт итгэлтэй байна” гэжээ.