Хятадын 7 дахь ургацын баярыг тохиолдуулан ХКН-ын Ерөнхий нарийн бичгийн дарга, Хятад улсын дарга, Цэргийн төв зөвлөлийн дарга Ши Жиньпин Намын төв хорооны нэрийн өмнөөс Бүх улсын өргөн олон тариачид болон ажлын өмнө фронтод тэмцэж буй нөхдөд баярын чин сэтгэлийн мэндчилгээ дамжуулав.

Ши Жиньпин хэлэхдээ, энэ жил бид байгалийн ноцтой гамшгийн сөрөг үр дагаврыг даван туулж, зуны үр тарианы үйлдвэрлэлийг нэмэгдүүлж, эрт тутаргын үйлдвэрлэлийг тогтвортой байлгаж, эдийн засгийн эерэг сэргэлтийг бэхжүүлэх, чансаатай хөгжлийг дэмжихэд хүчтэй тусламж үзүүлсэн гэжээ.

Тэрээр онцлохдоо, Хятад маягийн орчин үеийн байгуулалтыг ахиулахын тулд бид хөдөө аж ахуйн үндэс суурийг бэхжүүлж, хөдөө тосгоны иж бүрэн сэргэн мандалтыг ахиулах ёстой. Хөдөөг иж бүрэн сэргээн хөгжүүлэх төлөвлөгөөг бодит ажил болгож, хөдөө аж ахуй, хөдөөгийн шинэчлэлийг хэрэгжүүлэх, хүчирхэг хөдөө аж ахуйн орон байгуулах үндсийг тавихын тулд тариаланчид, нийгмийн бүхий л салбар идэвхтэй үйл ажиллагаа явуулж, алхам алхмаар ажиллана гэдэгт итгэлтэй байна гэжээ.