Өнөөдөр 9 дүгээр сарын 23-нд, Хятад улсын дарга Ши Жиньпин Анура Диссанаякед цахилгаан утас илгээж, Бүгд Найрамдах Ардчилсан Социалист Шри Ланка улсын ерөнхийлөгч болсонд нь баяр хүргэжээ.

Ши Жиньпин тэмдэглэхдээ, Хятад, Шри Ланка хоёр орон уламжлалт найрсаг сайн хөрш юм. Хятад, Шри Ланка хоорондоо дипломат харилцаа тогтоосноос хойших 67 жилд хоёр орон ямагт харилцан ойлголцож, харилцан дэмжиж, өөр өөр том жижиг орнууд хоорондоо найрсгаар харилцах, харилцан ашигтай хамтран ажиллахын үлгэр жишиг бүтээсэн билээ. Миний бие Хятад, Шри Ланкагийн харилцааны хөгжлийг дээд хэмжээнд чухалчлан үзэж байгаа бөгөөд ерөнхийлөгч тантай хамтдаа хичээн зүтгэж, уламжлалт найрсаг харилцааг үргэлжлүүлэн, улс төрийн итгэлцлээ нэмэгдүүлж, "Бүс ба зам"-ыг хамтаар өндөр чанартай бүтээн байгуулах хамтын ажиллагаа нэн олон баялаг үр бүтэмжид хүрэхийг урагш ахиулж, Хятад, Шри Ланкагийн чин үнэнч, харилцан дэмжиж туслалцдаг, үе үеийн найрсаг харилцааны стратегийн хамтын ажиллагааны түншийн харилцааг тогтвортой урагшлуулж, хоёр орны ард түмэнд илүү их ашиг тусыг бүтээхэд бэлэн байна гэв.