Саяхан Хятадын Коммунист Намын Төв Хорооны Ерөнхий нарийн бичгийн дарга, Хятад улсын дарга, Цэргийн Төв Зөвлөлийн дарга Ши Жиньпин Хятадын Харилцаа холбооны их сургуулийн нийт багш, оюутнуудад хариу захидал илгээж, Хятадын Харилцаа холбооны их сургууль байгуулагдсаны 70 жилийн ойг тохиолдуулан сургуулийн нийт багш, оюутан, ажилтан, төгсөгчдөд хандан баяр хүргэн, мэндчилгээ дэвшүүлсэн байна.

Ши Жиньпин онцлон тэмдэглэхдээ, шинэ эрин, шинэ аянд та бүхэн ёс суртахуунтай хүн төлөвшүүлэх үндсэн зорилтыг хэрэгжүүлж, мэдээ мэдээлэл, олон нийтийн үзэл бодлын ажлын шаардлагад анхаарч, сургуулийн үйл ажиллагааны онцлогийг тодруулж, өөрчлөлт шинэчлэлийг гүнзгийрүүлж, сургалт, шинжлэх ухааны судалгааны түвшинг тасралтгүй дээшлүүлж, сэтгүүл зүй, харилцаа холбооны өндөр боловсролтой авьяастан чадвартаныг төлөвшүүлэхийн төлөө хичээн зүтгэж, намын суртал ухуулга, үзэл санаа, соёлын үйл ажиллагааг хөгжүүлэхэд шинэ хувь нэмэр оруулна гэдэгт найдаж байна гэжээ.

Саяхан Хятадын Харилцаа холбооны их сургуулийн нийт багш, оюутнууд Ерөнхий нарийн бичгийн дарга Ши Жиньпинд захидал бичиж, тус сургууль байгуулагдсанаас хойшхи 70 жил, ялангуяа Хятадын Коммунист намын 18-р их хурлаас хойшхи ололт амжилтаа тайлагнаж, намын суртал ухуулга, үзэл санааны болон соёлын ажилд илүү сайн үйлчилж, Хятадын маягийн орчин үеийн шинэчлэлийг ахиулахын төлөө хүчин чармайлтаа нэгтгэх эрмэлзэлтэй байгаагаа илэрхийлсэн байна.