Саяхан ХКН-ын Төв хорооны ерөнхий нарийн бичгийн дарга, Хятад улсын дарга, Цэргийн төв зөвлөлийн дарга Ши Жиньпин Хятадын И Жүн хүнд үйлдвэрийн ажилчдын төлөөлөлд хариу захидал илгээж, тэднийг чин сэтгэлээсээ дэмжиж, итгэл найдвар тавьж байгаагаа илэрхийлжээ.

Ши Жиньпин хэлэхдээ, би И Жүн хүнд үйлдвэрт хоёр удаа очсон, та нарын технологийн шинэчлэл, бүтээгдэхүүний чанар чансааг эрчимтэй хөгжүүлж байгааг хараад маш гүн сэтгэгдэл төрүүлсэн. Эдгээр жилүүдэд та нар томоохон тоног төхөөрөмжийн үйлдвэрлэлийн үндсэн техникийн хүндрэлтэй асуудлыг шийдвэрлэхэд анхаарал хандуулж, олон шинэ амжилтад хүрч, шинэ эриний Хятадын аж үйлдвэрийн ажилчдын эх оронч үзэл, бүтээлч сэтгэлгээг гүйцэд харуулсан юм. 

Тэрээр цааш нь хэлэхдээ, аж үйлдвэрлэл бол улс орон, хүчирхэг улс орны үндэс суурь. Шинэ эриний шинэ аялалд, та нар ур чадвараа эх орондоо үйлчлэх анхны зорилтыг тууштай баримталж, үйлдвэрлэлийн хүчирхэг орны бүтээн байгуулалт, Зүүн хойд нутгийн аж үйлдвэрийг цогцоор нь сэргээн хөгжүүлэхэд оюун ухаан, хүч чадлаа үргэлжлүүлэн оруулна гэдэгт найдаж байна. Төв хорооны аж ахуйн нэгжүүд өөрчлөлт шинэчлэлтийг гүнзгийрүүлж, илүү хүчирхэг, илүү сайн, илүү том байхын тулд чармайж, Хятад маягийн орчин үеийн байгуулалтаар хүчирхэг улс орны бүтээн байгуулалт, үндэсний сэргэн мандалтыг бүх талаар ахиулахад илүү их хувь нэмэр оруулахыг хүсэж байна. 

Төв байр нь Хармөрөн мужийн Чичихар хотод байдаг И Жүн хүнд аж үйлдвэрийн ХХК бол Хятад улсын машин тоноглолын салбарын чухал тулгуур компани юм.