Украины Одесса мужийн албаны хүн 27-ны өдөр хэлэхдээ, Оросын арми мөн өдөр тус мужийн боомтын хот Измайл руу агаараас цохилт өгч, дор хаяж гурван хүн амь үрэгдсэн гэжээ. ОХУ-ын Батлан хамгаалах яам мөн өдөр олон нийтийн сүлжээгээр Украины арми өнгөрсөн шөнө ОХУ-ын объект руу нисгэгчгүй онгоцоор дайрсан гэж мэдэгдэв.

Украины Үндэсний цагдаагийн газар 27-ны өдөр олон нийтийн сүлжээгээр, мөн өдрийн өглөө Оросын армийн харвасан пуужин Днепропетровск мужийн Кривойрог хотын Үндэсний цагдаагийн газрын байрыг онож, хэсэг хүмүүс нурангинд дарагдсан гэж жиргэжээ. Днепропетровск мужийн цэргийн дарга Лисакийн хэлснээр, пуужингийн довтолгооны улмаас Кривоирог хотод дор хаяж 5 хүн шархдаж, 20 гаруй хувийн орон сууц, өндөр барилга адил бус хэмжээгээр эвдэрч нурсан гэжээ.

ОХУ-ын Батлан хамгаалах яам 27-ны өдөр мэдэгдэхдээ, өнгөрсөн шөнө, Украины арми Оросын хил дэх объект руу нисгэгчгүй онгоцоор дайрсан бол Оросын агаарын довтолгооноос хамгаалах хүчин Ростов мужид 6 нисгэгчгүй онгоц, Белгород мужид 3 онгоцыг буудаж унагасан гэжээ.