Дөрөв хоног үргэлжилсэн Хятадын Ляонины олон улсын хөрөнгө оруулалт, худалдааны тав дахь яармаг өнөөдөр (29-нд) өндөрлөв. Энэ жилийн Ляонины яармаг нь сэдэвчилсэн үзэсгэлэн, эдийн засаг худалдааны хамтын ажиллагаа, холбох хэлэлцээр зэрэг баялаг агуулгатай болж, олон улсын болон нээлттэй байдлаараа ихээхэн сайжирсан байна.

Энэ жилийн Ляонины яармаг "Үйлдвэрлэлийн шинэ хүчнийг хөгжүүлж, нээлттэй хамтын ажиллагаагаар сэргэн мандлыг ахиулах" гэсэн уриан дор болж, 68 улс орон болон бүс нутгийг татан оролцуулж, яармагт Fortune Global 500 болон дэлхийн нэр хүндтэй компаниудын 200 гаруй өндөр албан тушаалтнууд хүрэлцэн ирсэн бол, сэдэвчилсэн, иж бүрэн, талбайгаас гадуурх, хэрэглээг ахиулах зэрэг зуу шахам арга хэмжээг зохион байгуулсан байна, энэ удаагийн Ляонины яармагийн үеэр аж ахуйн нэгжүүд болон орон нутгийн засгийн газрууд нийтдээ 240 гаруй төсөлд гарын үсэг зурж, гэрээний нийт үнэ 270 тэрбум юаньд хүрэх юм.