Өнөөдөр өглөө 10 цагт, төрийн дээд одон медаль болон төрийн хүндэт цол гардуулах ёслол Ардын их хурлын ордонд боллоо. ХКН-ын Төв Хорооны Ерөнхий нарийн бичгийн дарга, Хятад улсын дарга, Цэргийн төв зөвлөлийн дарга Ши Жиньпин "Бүгд найрамдах улсын одон" хүртсэн Хуан Зундэ нарын хүмүүст одон медаль гардуулж, "Ард түмний манаач" хэмээх төрийн хүндэт цолыг хүртсэн Баика Калидибек нарын хүмүүст шагнал гардуулж, түүнчлэн чухал үг хэлэв.

Ши Жиньпин хэлэхдээ: Эдүгээ Хятад улс Хятад маягийн шинэчлэлээр улсаа хүчирхэгжүүлэх бүтээн байгуулалт, үндэстний сэргэн мандалтын аугаа үйлсийг урагш ахиулах чухал үед байна. Намын нийт нөхдүүд, бүх үндэстнүүдийн ард түмэн баатарчуудын үлгэр жишгээс үлгэр дууриалал авч, эв нэгдэн мэрийн урагшилж, улс орноо хүчирхэгжүүлэх их үйлсийг хамтдаа дэмжих асар их хүчийг хуримтлуулах хэрэгтэй. Улсаа хүчирхэгжүүлэх амбицтай байх хэрэгтэй. Улсаа хүчирхэгжүүлэх ур чадварыг давтан боловсруулах хэрэгтэй. Улсаа хүчирхэгжүүлэх гавъяаг зоригтой байгуулах хэрэгтэй.

Аугаа эрин цаг баатруудыг уриалан дуудаж, баатруудыг буй болгодог. Баатрууд олноор буй болоход нам, ард түмний үйлс бадран хөгжиж, мөнхөд батжидаг. Бүх шатны намын хороо, захиргаа баатарлаг үлгэр дуурайл болсон хүмүүсийг анхааран халамжилж, нийгэм нийтээрээ баатруудыг хүндэтгэж, баатарлаг хүмүүсээс суралцаж, баатар болохын төлөө зүтгэх ёстой. Шагнал хүртсэн нөхдүүд нэр төрөө дээдлэн, илүү их алдар хүндийн төлөө улам ч хичээн чармайхыг хүсэж байна гэв.