Саяхан Хятадын төв радио телевизийн "Лидерийн ярилцлага" хөтөлбөрт Намибийн Ерөнхийлөгч Нанголо Мбумба ярилцлага өгсөн байна. Түүний ярьсан зарим онцлох зүйлсийг хүргэж байна.

Ерөнхийлөгч Нанголо Мбэмба ярилцлагадаа Хятад, Африкийн хамтын ажиллагааны форумын чухал ач холбогдлыг онцлон, Хятад улс нь Намибийн найдвартай түнш гэж тэмдэглэжээ. Тэрээр Хятадтай олон талаар хамтран ажиллах хүсэлтэй байгаагаа илэрхийлсэн байна.

Мөн тэрээр Ши Жиньпин даргын Танзанид үг хэлж, Африкийн орнуудтай хамтран ажиллах үзэл баримтлал дэвшүүлснийг өндрөөр үнэлж, түүнийг шийдэмгий, эрч хүчтэй удирдагч хэмээн үнэлсэн байна. Африк, Хятадын хоорондын солилцоо нь Намиби, Танзани, Замби, Ангол, Мозамбик, Зимбабве, Өмнөд Африкийн хувьд ихээхэн ашигтай байгааг тэрээр онцолжээ.

Ерөнхийлөгч Нанголо Мбэмба, Хятад улс Намибийн хувьд зовлон жаргалаа хуваалцдаг ах дүүс бөгөөд Хятад, Африк нь чин сэтгэлийн хамтын ажиллагааны үлгэр жишээ гэж үзсэн байна. Тэрээр Ши Жиньпин даргын дэвшүүлсэн даян дэлхийн гурван том санаачилгыг өндрөөр үнэлж, эдгээр санаачилгууд нь илүү шудрага, хүртээмжтэй олон улсын дэг журмыг бүрдүүлэхэд чухал ач холбогдолтой гэж тэмдэглэжээ.