Францын ерөнхийлөгч Эммануэль Макрон 6-ны өдөр Израилийн ерөнхий сайд Биньямин Нетаньяхутай утсаар ярьж, Ойрхи Дорнодын нөхцөл байдлын талаар ярилцаж, гал зогсоох цаг болсон гэдэгт итгэлтэй байгаагаа илэрхийлжээ.

Францын ерөнхийлөгчийн ордон 6-ны орой сонсгол мэдээ нийтэлж, Макрон, Нетаньяху нарын яриа "маш илэн далангүй, Франц-Израилийн найрамдлыг хүндэтгэсэн байдал" доор Ойрхи Дорнодын байдлыг хэлэлцсэн гэж тэмдэглэсэн байна. Хоёр орны удирдагч санал зөрөлдөөнтэй байгааг хүлээн зөвшөөрч, харилцан ойлголцох боломжтой гэж найдаж буйгаа илэрхийлжээ.

Макрон Ойрхи Дорнодод гал зогсоох цаг болсон гэдэгт итгэж байна гэжээ. Тэрбээр Барууны орнууд Израильд зэвсэг нийлүүлсэн ч, Израиль Газын зурвас дахь дайныг сунгаж, Ливанд дайныг даамжруулсан ч, Израильчууд болон бүс нутгийн бүх ард түмний хүсэн хүлээж буй аюулгүй байдлыг хангаж чадахгүй гэдгийг онцолсон байна. Түүнчлэн, Израиль болон Ойрхи Дорнодын аюулгүй байдлыг хангахад шаардлагатай улс төрийн төслийг боловсруулахын тулд нэн даруй хүчин чармайлт гаргах шаардлагатай гэдгийг Макрон тэмдэглэжээ.

Ойрхи Дорнодод айлчилж буй Францын Гадаад харилцааны сайд Жан-Ноэль Барро 7-ны өдөр Израилийн албаны хүмүүстэй хэлэлцээ хийх бөгөөд ойрын хэдэн хоногт Ойрхи Дорнодын байдлын талаар Макронд тайлагнах болно гэж мэдэгдсэн байна. 

Израилийн Газын зурвас дахь дайнд зэвсэг нийлүүлэхээ зогсоохыг Макрон 5-ны өдөр уриалав.