Өмнөд Солонгосын нисгэгчгүй онгоцнууд БНАСАУ-ын агаарын хилд халдаж, ухуулах хуудас тараасан гэж БНАСАУ мэдэгдсэнтэй холбогдуулан Солонгосын Хөдөлмөрийн намын төв хорооны орлогч дарга Ким Ё Жон 12-ны өдөр үг хэлж, "Өмнөд Солонгосын арми бүрэн эрхт байдалд халдсан томоохон өдөөн хатгалгын хэргийн хамсаатан эсвэлийн гол үүрэг гүйцэтгэгч гэх хариуцлага хүлээхээс мултарч чадахгүй."

Солонгосын төв цахилгаан мэдээний агентлагийн 12-ны өдөр мэдээлснээр, Ким Ё Жон яриандаа Өмнөд Солонгосын арми үүрэг хариуцлагаасаа зайлсхийж байна гэж шүүмжилсэн байна. Тэрээр хэлэхдээ, бусад орны нийслэлд ухуулах хуудас тараах нь улс төрийн ноцтой өдөөн хатгалга, тусгаар тогтнолыг зөрчсөн үйлдэл гэж үзэх бөгөөд ухуулах хуудсыг нисгэгчгүй онгоцоор тараасан нь энэ хэргийн ноцтой байдлын гол цөм юм.

Хойд Солонгосын эсрэг ухуулах хуудас тээвэрлэсэн Өмнөд Солонгосын нисгэгчгүй онгоц дахин Хойд Солонгосын агаарын хилийг зөрчсөн тохиолдолд БНАСАУ "Хатуу хариу арга хэмжээ авах болно" гэж тэрээр сэрэмжлүүлжээ.

Ёнхап агентлагийн 11-ний өдөр мэдээлснээр, Өмнөд Солонгосын Батлан хамгаалахын сайд Ким Ён Хён мөн өдөр хэлэхдээ, Өмнөд Солонгосын арми Хойд Солонгосын зүг нисгэгчгүй онгоц хөөргөөгүй бөгөөд энэ хэргийн тухай мэдээлэл өнөөг хүртэл тодорхойгүй байгаа бөгөөд цаашид шалган нотолж байна.