Аравдугаар сарын 14-нд Хятадын Гадаад хэргийн сайд Ван И Ираны Гадаад хэргийн сайд Арагчитай утсаар ярив. Хоёр тал Хятад, Ираны харилцааг нааштай үнэлж, бүх түвшинд солилцоогоо хадгалж, ажил хэрэгч хамтын ажиллагаагаа ахиулна гэжээ.

Арагчи хэлэхдээ, Иран бүс нутгийн өнөөгийн нөхцөл байдлыг бүхэлд нь хурцатгах эрсдэлд маш их санаа зовж байгаа бөгөөд мөргөлдөөнийг цаашид өргөжүүлэхийг хүсэхгүй байна. Хятад улс олон улсын үйл хэрэгт чухал нөлөө үзүүлж байгааг Иран чухалчлан үзэж, Хятад улстай харилцаа холбоо, зохицуулалтаа эрчимжүүлж, дипломат арга барилаар байдлыг намжаахад бэлэн байна. Израиль эрсдэлийг бууруулж, болгоомжтой хандах хэрэгтэй.

Ван И, Газын зурвас дахь өнөөгийн мөргөлдөөний сөрөг нөлөөлөл тэлэн өргөжиж, бүс нутгийн хурцадмал байдал үргэлжилсээр байна. Хятад улс халуун цэгийн асуудлыг яриа хэлэлцээ, зөвшилцлийн замаар шийдвэрлэхийг дэмжиж, зөрчлийг хурцатгах, мөргөлдөөнийг өргөжүүлэх, цэргийн эрсдэлтэй ажиллагаа явуулахыг эсэргүүцэж, бүс нутгийн энх тайван, тогтвортой байдлыг сахин хамгаалахад тустай олон зүйлийг хийхийг талуудад уриалсаар ирсэн. Хятад улс хариуцлагатай том орны хувьд талуудтай харилцаа холбоогоо бэхжүүлж, олон улсын зөвшилцөл, хүч чадлыг нэмэгдүүлж, мөргөлдөөнийг намжаахад бүтээлч үүрэг гүйцэтгэнэ.