15-ны өдөр Ираны Гадаад хэргийн яам Европын холбооны дарга орон Иранд суугаа Унгарын элчин сайдыг дуудан уулзаж, Европын холбоо Ираны эсрэг шинэ хориг арга хэмжээ авч буйг эрс эсэргүүцсэн байна.

Ираны ГХЯ мэдэгдэл гаргаж, мөн өдөр Ираны Гадаад хэргийн яам тус улсад суугаа Унгарын Элчин сайдыг дуудан уулзаж, Европын холбооны Ираны эсрэг авсан хориг арга хэмжээ нь "хууль бус, албадлагын арга хэмжээ" бөгөөд энэ нь Ираны хувьд "хүлээн авч болохгүй зүйл, мөн ямар ч үр дүнгүй зүйл" гэжээ. 

ЕХ-ны Гадаад хэргийн сайд нарын хурал 14-ний өдөр хуралдаж, ОХУ-д пуужин, нисгэгчгүй онгоц нийлүүлсэн гэх шалтгаанаар Ираны 7 хувь хүн, 7 аж ахуйн нэгжид хориг арга хэмжээ авах тухай тогтоол баталжээ. Үүнтэй холбогдуулан Ираны ГХЯ-ны хэвлэлийн төлөөлөгч мөн өдөр уг зэмлэлийг үгүйсгэсэн бөгөөд Европын холбоо Ираны эсрэг шинэ хориг арга хэмжээ авч байгаа нь бодит үндэслэлгүй, зүй ёсонд нийцэхгүй бөгөөд олон улсын хуулийг зөрчсөн гэж онцолсон байна.