10-р сарын 18-нд Хятадын ГХЯ-ны хэвлэлийн төлөөлөгч Мао Нин ээлжит хэвлэлийн бага хурал хийлээ.

Мао Нин хэлэхдээ, энэ он бол "Их БРИКС-ийн хамтын ажиллагаа"-ны анхны жил бөгөөд энэ удаагийн хурал нь БРИКС-ийг өргөжүүлсний дараах анхны хурал учир, олон улсын хамтын нийгэмлэгийн анхаарлыг татаж байна. Байгуулагдсан цагаасаа хойш БРИКС-ийн орнууд хэзээд нээлттэй, багтаамжтай, харилцан ашигтай хамтын ажиллагааны үзэл санааг баримталж, эв нэгдэл, өөрийгөө хүчирхэгжүүлэх гэсэн анхны хүсэл эрмэлзэлээ баримталж, олон талт үзлийг хамгаалахын төлөө хичээн зүтгэж, олон улсын үйл хэрэгт идэвхтэй, тогтвортой, эерэг сайн хүчин болох ёстой.

Энэ удаагийн уулзалтын үеэр Ши Жиньпин дарга удирдагчдын бага, том хэмжээний уулзалт, "БРИКС+"-ын удирдагчдын яриа хэлэлцээ болон бусад арга хэмжээнд оролцож, чухал илтгэл тавьж, олон улсын өнөөгийн байдал, БРИКС-ийн бодит хамтын ажиллагаа, БРИКС-ийн механизмыг хөгжүүлэх болон хамтаар сонирхож буй чухал асуудлаар олон орны удирдагчидтай гүнзгий солилцоо хийх юм. Хятад улс бүх талуудтай хамтдаа хичээн зүтгэж, "БРИКС-ийн агуу хамтын ажиллагаа"-ны тогтвортой, урт хугацааны хөгжлийг ахиулж, "Дэлхийн өмнөд бүс" нэгдэн, өөрийгөө хүчирхэгжүүлэх шинэ эрин үеийг нээж, дэлхийн энх тайван хийгээд хөгжлийг хамтдаа дэмжихэд бэлэн байна гэжээ.