Оросын түүхийн хуудаснаа нэрээ мөнхөлсөн, соёл, уламжлалаараа алдартай мянганы настай Казан хот нь өнөөг хүртэл цаг хугацааны урсгалыг даган оршин тогтносоор буй. Казан хот нь Волга буюу Ижил мөрөн, Казан болон Кама мөрнүүдийн уулзвар дээр байрлах ба намрын улиралд энэхүү өргөн уудам бүс нутаг олон өнгийн өвөрмөц үзэмжийг харуулдаг.

2024 оны 10-р сарын 22-24-ний өдрүүдэд Оросын үзэсгэлэнт Казан хотод БРИКС-ийн орнуудын удирдагчдын 16 дахь удаагийн дээд хэмжээний уулзалт зохион байгуулагдах гэж байна. Энэхүү уулзалт нь олон улсын хамтын ажиллагаа, эдийн засаг, улс төрийн асуудлуудыг хэлэлцэх чухал үйл явдал бөгөөд дэлхийн анхаарлыг Казан руу чиглүүлж байна. Мянганы түүхтэй энэ хот соёл, түүхийн үнэт өвийг хадгалсан, олон үндэстний соёл иргэншлийн уулзвар болсон газар юм.

Казан нь Зүүн Европын тал нутгийн зүрхэн хэсэгт оршдог бөгөөд байгалийн өвөрмөц сайхан байдал, түүхийн дурсгалт газрууд, соёлын олон талт байдлаараа аялагчдыг татдаг. Түүнчлэн тус хотод БРИКС-ийн чухал арга хэмжээ зохион байгуулагдах нь Казаныг дэлхийн тавцанд улам тодруулж байгаа билээ.