Олон улсын валютын сан 24-ний өдөр хэлэхдээ, дэлхийн эдийн засаг бага өсөлт, их өрийн зам руу орох эрсдэлтэй тул бодлого боловсруулагчид өрийн асуудлыг зохицуулах арга хэмжээ авч, өсөлтийг дэмжих өөрчлөлтийг хэрэгжүүлэх хэрэгтэй гэжээ.

ОУВС-гийн ерөнхийлөгч Георгиева мөн өдөр ОУВС болон Дэлхийн банкны 2024 оны жил тутмын уулзалтын үеэр болсон хэвлэлийн бага хурал дээр хэлэхдээ, энэ нь орлого, ажил эрхлэлт буурч, тэр дундаа засгийн газрын орлого буурч, гэр бүлийг дэмжих болон уур амьсгалын өөрчлөлтыг зохицуулах зэрэг урт хугацааны өрсөлдөөн сорилтод оруулах хөрөнгө оруулалт мөн буурна гэсэн үг юм гэжээ.

ОУВС саяхан "Дэлхийн эдийн засгийн төлөв байдлын тайлан"-г нийтэлж, 2024 онд дэлхийн эдийн засгийн өсөлтийн урьдчилсан таамаглалыг 3.2% хэвээр байлгасан нь 7-р сарын таамаглалтай ижил байна. Уг тайланд, энэ онд хөгжингүй орнуудын эдийн засгийн өсөлтийн төсөөлөл 1.8 хувь, шинээр хөгжиж буй зах зээл болон хөгжиж буй орнуудын эдийн засгийн өсөлтийн таамаглал энэ онд 4.2 хувь байх юм байна.