Ройтерс агентлагийн 10-р сарын 24-ний мэдээллээр, Олон улсын валютын сан (ОУВС)-гийн тэргүүн Кристалина Георгиева дэлхий нийт эдийн засгийн бага өсөлт, өндөр өрийн эрсдэл рүү шилжих аюулд өртөж байна. Энэ нь улс орнуудын засгийн газар иргэдийн амьжиргааг дээшлүүлэх, уур амьсгалын өөрчлөлт болон бусад сорилттой тэмцэхэд чиглэсэн нөөц боломжийг багасгах болно гэдгийг сануулжээ. 

11-р сарын 5-нд болох АНУ-ын Ерөнхийлөгчийн сонгууль нь зах зээлийг тодорхойгүй байдалд оруулж, өндөр инфляцын хорыг амссан америкчууд Бүгд Найрамдах Намаас нэр дэвшигч Дональд Трампыг Цагаан ордонд "дахин залах" магадлалтай байна. Энэ нь худалдааг ивээх бодлого чангарч, АНУ-ын өр дахин хэдэн их наядаар нэмэгдүүлж мэдэх юм. 

Европын эдийн засгийн төлөв байдлын талаар ОУВС-ийн хамгийн сүүлийн тайланд дурдсанаар, хөдөлмөрлөх хүчний насжилт болон үйлдвэрлэлийн өсөлт удааширч байгаагаас шалтгаалан Европ тивийн ДНБ-ий жилийн дундаж өсөлт 2029 он хүртэлх 10 жилийн хугацаанд дунджаар дөнгөж 1.45%-тай байх төлөвтэй гэжээ.