Өнөөдөр (28-ны өдөр) Шэньжөү-19 нисгэгчтэй сансрын хөлөг хөөргөх ажиллагааны хамтарсан сургалт бүх бүсэд болов. Одоогийн байдлаар, хөөргөх ажиллагааны бүх систем холбогдох чадавхын шалгалтыг дуусгаж, хөөргөхөөс өмнөх янз бүрийн бэлтгэл ажлыг сайтар хийсэн байна.

Өглөөний 8 цаг 30 минутын орчимд, Бээжингийн сансрын нислэгийн удирдлагын төвийн нэгдсэн тохируулалтын дагуу Жючуань хиймэл дагуул хөөргөх төв, Ши-Аний хиймэл дагуулын хэмжилт хяналтын төв болон хөөргөх ажиллагааны хэмжилт хяналтын цэгүүд хамтарсан хяналт, зохицуулалтыг хэрэгжүүлж, хөөргөх бэлтгэл, хөөргөлт болон нислэгийн явц дахь техникийн янз бүрийн байдал болон ажлын процессыг бүх талаар загварчлан дууриаж үзүүлсэн байна. Энэхүү хамтарсан сургалт нь "Шэньжөү-19"-ийг хөөргөхөөс өмнөх бүрэн бүрэлдэхүүн хэсгүүдтэй, бодит хөөргөх үйл явцад хамгийн их ойртсон эцсийн хамтарсан сургалт болно, энэхүү хамтарсан сургуулилт дууссанаар, Шэньжөү-19 хөлөг хийгээд хошууны угсралт хөөргөх бэлтгэлийн байдалд орлоо гэсэн үг юм.