Ираны ГХЯ-ны хэвлэлийн төлөөлөгч Исмайл Багай 28-ны өдөр хэвлэлийн бага хурал дээр хэлэхдээ, өөрийн нутаг дэвсгэрт явагдаж буй Израилийн "түрэмгийлэл"-д хариу өгөх эрхээсээ Иран татгалзахгүй гэжээ.

Исмайл Багай хэлэхдээ, Израилийн дайралтанд хариу өгөх нь Ираны засгийн газрын эрх бөгөөд үүрэг юм. Олон улсын хуулийн дагуу түрэмгийлэлд өртөж, хууль бус халдлагад өртсөн аль ч улс бүгд ийм эрхтэй. Зөвшилцөл болон хэлэлцээний үр дүнгээс үл хамаарч, Иран Израильд "хатуу бөгөөд зохих арга хэлбэрээр" хариу өгөх болно, үүнийг тус улсын Зэвсэгт хүчин болон холбогдох эрх баригчид шийдвэрлэх болно гэжээ.

Исмайл Багай мөн хэлэхдээ, АНУ-ын хязгааргүй дэмжлэг нь Израилийг зоригжуулж, Баруун Азид үргэлжлэн "гэмт хэрэг" үйлдүүлж байна. АНУ-ын албаныхан Израильд зэр зэвсэг, тагнуулын мэдээлэл болон улс төрийн дэмжлэг үзүүлэхээ зогсоохыг уриалж байна, харин бусад улс орнуудаас тэвчээртэй байхыг хүсэх явдал биш юм гэжээ.