Орон нутгийн цагаар 10-р сарын 28-нд, НҮБ-ын Ерөнхий нарийн бичгийн дарга Антонио Гутерриш мэдэгдэл гаргаж,  Израилийн парламент мөн өдөр НҮБ-ын Ойрхи Дорнод дахь Палестины дүрвэгсдэд тусламж үзүүлэх агентлагийн талаар хоёр хуулийг баталсан явдалд маш санаа зовж байгаагаа илэрхийлэв. Хэрэв эдгээр хууль хэрэгжиж эхэлбэл, НҮБ-ын Ерөнхий Ассамблейгаас өгсөн үүрэг даалгаврын дагуу тус агентлаг үндсэн ажлаа үргэлжлүүлэхэд саад болж магадгүй гэж тэр хэллээ.

Мэдэгдэлд тэмдэглэхдээ, НҮБ-ын Ойрхи Дорнод дахь Палестины дүрвэгсдэд тусламж үзүүлэх агентлаг бол эзлэгдсэн Палестины нутаг дэвсгэр дэх палестин дүрвэгсдэд үндсэн тусламж үзүүлэх гол хэрэгсэл юм. Ойрхи Дорнод дахь Палестины дүрвэгсдэд тусламж үзүүлэх агентлагаас өөр тусламж үзүүлэх арга байхгүй гэжээ.

Хуулийн хэрэгжилт нь Палестины эзлэгдсэн нутаг дэвсгэрт байгаа палестин дүрвэгсдэд гамшигт үр дагавар үүсгэж болзошгүй. Иймээс энэ нь хүлээн зөвшөөрөгдөхгүй гэж Антонио Гутерриш анхааруулсан байна.