ӨМӨЗО-ны боомтын албаны мэдээлснээр, 10-р сарын 26-ны өдрийн байдлаар, ӨМӨЗО-ны хуурай замын боомтын ачаа тээврийн хэмжээ дахин 100 сая тонныг давж, өнгөрсөн оныхоос 43 хоног урьдчилж, түүхийн дээд амжилт тогтоолоо. 

Өвөр Монгол нь 14 хуурай замын боомттой, Хятад-Монголын хуурай замын тээврийн 90 гаруй хувь, Хятад-Оросын хуурай замын тээврийн 65 гаруй хувийг гүйцэтгэж байна. 

Хятад, Монгол хоёр орны хамгийн том авто замын ачаа тээвэрлэлийн боомт болохын хувьд Ганцмод боомт нь автомат удирдлагатай \AGV\ хил дамнасан тээврийн төслийг эн тэргүүнд хэрэгжүүлэв. AGV нь тээвэрлэлтийн бүхий л үйл явцыг ямар ч үед хараа хяналтгүй, гаалиар нэвтрүүлдэг бөгөөд өдөрт дунджаар 200 тээврийн хэрэгсэлд үйлчилсэн нь өнгөрсөн оны мөн үеийнхээс 25 хувиар өсчээ. 

Хятад Монгол хоёр орныг холбосон Эрээн боомтоор өдөрт дунджаар 900 гаруй ачааны тээврийн хэрэгсэл дамжин өнгөрч байгаа бөгөөд одоогоор шинэхэн жимс жимсгэнэ, хүнсний ногооны тээвэрлэлтийн оргил үе болохоор ногоон суваг нь бараа бүтээгдэхүүнийг шуурхай шалгаж, аль болох хурдан Монгол улс руу илгээж байна. Төмөр замын боомтдоо гаалийн ажилтнууд H2010 системийг ашиглан гаалийн бүрдүүлэлтийг автоматаар хянаж, Хятад-Европ чиглэлийн галт тэрэгний гаалийн бүрдүүлэлтийн хугацааг 70 гаруй хувиар богиносгож чаджээ. 

Хятад Орос хоёр орны хамгийн том хуурай замын Манжуур боомт нь дэвшилтэт AI технологийг ашиглан, хилээр орж гарч буй ачааны машинуудын дугаарын зураг авах, унших чадавхын түвшин 95 хувиас давж байна. 

Цэхээ боомт болон Мандал боомт нь "нэгдсэн хяналт шалгалт, тээвэрлэлт"-ийн механизмыг ахиулахын тулд хяналт шалгалтын нөөцийг нэгтгэж, үйл ажиллагааны горимыг улам боловсронгуй болгож байна. Аравдугаар сарын 26-ны байдлаар Цэхээ боомтын гаалийн бүрдүүлэлтийн нийт хэмжээ 20 сая тонноос давжээ.