Синьхуа агентлагийн мэдээ: 2025 оны Азийн өвлийн IX наадам болоход 100 хоног үлдэж буй тохиолдуулан 10-р сарын 30-ны орой Харбин хотноо зохиосон арга хэмжээний үеэр Азийн олимпын зөвлөлийн дарга Ража Рандхир Сингх видео илтгэл ирүүлж, энэ удаагийн Азийн өвлийн наадам амжилттай зохион байгуулагдна гэдэгт итгэж, ерөөж буйгаа илэрхийлэв.

Сингх 1996 онд болсон Азийн өвлийн III наадмын үеэр Харбин хотод ирж байсан бөгөөд маш сайхан дурсамж үлдсэн тухайгаа эргэн дурсаж, Хятад улс иж бүрэн арга хэмжээг зохион байгуулах арвин их туршлагатай бөгөөд Харбин нь энэ удаагийн наадам тэмцээнийг бэлтгэхдээ мэргэжлийн өндөр амжилт гаргаж, маш сайн ажилласан нь олны анхаарлыг ихэд татсан гэв. Тэрээр Харбин хот Азийн өвлийн спортын наадмыг гайхалтай зохион байгуулна гэдэгт итгэлтэй байгаа бөгөөд "Харбин-2025" Азийн өвлийн наадам бүрэн дүүрэн амжилттай зохиогдохыг Азийн Олимпийн зөвлөлийн нэрийн өмнөөс хүсэн ерөөв.

Азийн өвлийн IX наадам нь Бээжингийн өвлийн олимпын дараа Хятад улсын зохион байгуулж буй олон улсын цас мөсний спортын бас нэгэн томоохон арга хэмжээ юм. Тус наадам 2025 оны 2-р дугаар сарын 7-нд нээлтээ хийнэ.