Орон нутгийн цагаар 10-р сарын 30-ны өдөр Хятадын төв радио телевизийн шилдэг кино, телевизийн нэвтрүүлгийг Перу улсад үзүүлэх ажиллагаа Лима хотод эхлэв. "Хөгжил цэцэглэлтийн зам руу" зэрэг ХТРТ-ийн 20 гаруй шилдэг нэвтрүүлэг Перугийн гол гол хэвлэл мэдээллийн хэрэгслээр дараалан цацагдаж байна.

Перугийн Сайд нарын Зөвлөлийн дарга (Ерөнхий сайд) Густаво Адриансон, ХКН-ын Төв Хорооны Суртал ухуулгын газрын дэд дарга, Хятадын Төв Радио Телевизийн захирал Шэнь Хайшюн нар видео илтгэл тавив. Энэ арга хэмжээнд Хятадаас Перу улсад суугаа ЭСЯ-ны сайд Цэван-Пунцок, Перугийн үндэсний радио, телевизийн группын гүйцэтгэх захирал Ниноска, Перугийн "Бүгд найрамдах улс" сонины захирлуудын зөвлөлийн гишүүн Банеса Моме нар оролцож, үг хэллээ.

Шэнь Хайшюн хэлэхдээ, энэхүү үйл ажиллагаа нь Хятадын төв радио телевизийн шилдэг кино, телевизийн нэвтрүүлгээр дамжин Перугийн анд нөхөд Хятадын ард түмний чин сэтгэл, найрсаг зан чанар болон Хятадын соёлын гүн гүнзгий байдлыг бүрэн дүүрэн мэдэрч, шинэ эрин үе дэх итгэл үнэмшилтэй, найрсаг хөөрхөн, хүндэтгэлтэй Хятад улсын талаар илүү өргөн цар хүрээ бүхий ойлголттой болох болно гэжээ.