Аравдугаар сарын 28-нд Финландын Ерөнхийлөгч Александр Стубб Бээжинд хүрэлцэн ирж, Хятадад хийх дөрвөн өдрийн айлчлалаа эхлүүлэв. Энэ өдөр мөн Хятад Финляндын хооронд дипломат харилцаа тогтоосны 74 жилийн ой тохиож байлаа.
Сурвалжлагч: Энэ бол Финландын Ерөнхийлөгчийн албан тушаалд орсноос хойш таны Хятадад хийсэн анхны төрийн айлчлал юм. Таны Бээжинд айлчлах өдөр нь Хятад, Финландын хооронд дипломат харилцаа тогтоосны 74 жилийн ой тохиож байжээ. Та энэ айлчлалын талаарх сэтгэгдлээ хуваалцана уу?
Стубб: Энэ удаагийн төрийн айлчлал нь манай хоёр орны харилцаа солилцооны түүхийг харуулсан чухал ойтой давхцаж байгаад баяртай байна. Хоёр улсын хооронд дипломат харилцаа тогтоосноос хойш харилцан итгэлцсээр ирсэн. Финлянд бол түрэмгийлэлийн шинжгүй орон, бид бусад орнуудыг колоничлох түүхгүй бөгөөд хамтын ажиллагааг чухалд үзсээр ирсэн, энэ нь Финлянд, Хятадын олон жилийн солилцооноос харагдаж байна.
Одоо Хятадад айлчлах нь маш их ач холбогдолтой гэж бодож байна. Өдгөө дэлхийн дэг журам зөрчилдөөн, өрсөлдөөн дунд хурдацтай өөрчлөгдөж байна. Бид хэрхэн хамтран ажиллаж чадах вэ, өнөөгийн дэлхийн хүчний тэнцвэр ямар байгаа, Хятад улс дэлхийд ямар үүрэг гүйцэтгэж байгааг тодорхойлохыг хүсч байна. Миний бодлоор Финлянд улс ОХУ-тай 1340 км хиллэдэг учраас би аюулгүй байдлын асуудлаар ярихдаа Оросыг байнга дурддаг. Ерөнхийдөө энэ удаагийн төрийн айлчлал амжилттай болсон гэж бодож байна.
Сэтгүүлч: Таны бодлоор энэ айлчлалын гол амжилт юу вэ?
Стубб: Миний хувьд Хятад улсын дэлхий дахинд эзлэх байр суурь, гүйцэтгэх үүргийн талаар илүү гүнзгий ойлголттой болсон. Эх орондоо буцсаны дараа би Хятад улс болон дэлхийн хөгжлийн талаар илүү сайн ойлголттой болсон гэдгээ хүмүүст хэлэх болно. Хятадын хөгжил намайг байнга гайхшруулдаг. Би Шанхай, Чэнду болон бусад олон хотод очиж үзсэн. Хятадад ирэх болгондоо хөгжил шинэ шатанд гарч байгааг хардаг.
