ХКН-ын Төв хорооны ерөнхий нарийн бичгийн дарга, БНХАУ-ын дарга, Төв хорооны Цэргийн зөвлөлийн дарга Ши Жиньпин саяхан Шанхай хотын Янпү дүүргийн "Буурал улиас" сурталчилгааны багийн хамт олонд хариу захидал бичиж, мэндчилгээ дэвшүүлжээ.

Тэрээр хариу захидалдаа, “Та бүхэн өөрсдийн амьдралын туршлагадаа үндэслэн иргэдэд түүх, намын инновацын онол, шинэ эрин үеийн Шанхай хотын сайхан өөрчлөлтүүдийн талаар ярьж сурталчилж байгаа нь маш чухал ажил юм. Ард түмний хотыг ард түмэн бүтээн босгодог бөгөөд ард түмний төлөө байдаг. Та бүхэн амьдралын ойр дотно түүх, үйл явдлыг үргэлжлүүлэн сайтар сурталчилж, илүү олон иргэдийг энэхүү үзэл санааг гүнзгий хэрэгжүүлэхэд уриалан, хотын бүтээн байгуулалт, засаглалд идэвхтэй оролцон, аз жаргалтай, эв найрамдалтай, үзэсгэлэнт хотыг хамтдаа бүтээхийг хүсэж байна” гэжээ.

2019 оны 11-р сард Ши Жиньпин дарга Шанхай хотод ажиллахдаа анх “Ард түмний хотыг ард түмэн бүтээн босгох бөгөөд ард түмний төлөө байх” хэмээх ухагдахууныг дурдсан бөгөөд Шанхай хотын бүтээн байгуулалтад олон удаа чухал зааварчилгаа өгсөн юм. "Буурал улиас" сурталчилгааны баг нь Шанхай хотын Янпү дүүрэгт удаан хугацаанд ажиллаж, амьдарч буй ахмад ажилтан, ахмад дайчин, ахмад судлаач, ахмад багш, ахмад үлгэр жишээчдээс бүрдсэн бөгөөд тэд намын шинэчлэлийн онол, ард түмний хотын үзэл баримтлалыг олон нийтэд түгээн сурталчлах үйл ажиллагаа явуулдаг. Саяхан тус багийн хамт олон Ши Жиньпин даргад захидал илгээж, ухуулгын ажлынхаа талаар мэдээлж, намын гишүүний үүргээ үргэлжлүүлэн биелүүлж, Шанхай хотын ард түмний хотын бүтээн байгуулалтад хувь нэмрээ оруулах хүсэл эрмэлзээлээ илэрхийлжээ.