Саяхан Словакийн Ерөнхий сайд Роберт Физзо ХТРТ-д тусгай ярилцлага өглөө.
Сэтгүүлч: Ерөнхий сайд та хамгийн сүүлийн үед 17 жилийн өмнө буюу 2007 онд Хятадад айлчилж байсан. Таны тухайн үеийн айлчлалтай харьцуулахад энэ удаад ажигласан өөрчлөлт, хөгжил юу байна вэ?
Физзо: Хятадад хийсэн миний анхны айлчлал, хэрэв би буруу санаж байхгүй бол 1999 эсвэл 2000 онд байсан. Тухайн үед би Словакийн парламентын даргын Хятадад хийсэн айлчлалын төлөөлөгчдийн жирийн нэг гишүүн байсан бөгөөд Хятадын хэд хэдэн газар очиж үзсэн. 1999, 2007 онд Хятадад хоёр удаа айлчлахдаа асар том өөрчлөлтийг харж бахархаж байсан бол 2024 онд Хятадад ирээд бүр их гайхсан, Словакийн хувьд "Хятадаас эмээж" буй бүх хүмүүст энэ боломжийг ашиглан Хятадад зочлохыг зөвлөж байна , учир нь Словакийн иргэд Хятадад 15 хоног визгүй нэвтрэх боломжтой.
Сэтгүүлч: Таны хэлсэнчлэн Хятад улс Словакийн иргэдэд 15 хоногийн турш визгүй зорчих бодлогыг зарласан. Энэ арга хэмжээний ач холбогдлыг та хэрхэн харж байна вэ?
Физзо: Словакийн иргэдийг Хятадад 15 хоног визгүй зорчих эрх олгосон Хятадын удирдагчдад маш их талархаж байна. Хэрэв виз мэдүүлэх шаардлагагүй бол хүссэн үедээ Хятад руу нисэх боломжтой. Бид Словак, Бээжингийн хооронд шууд нислэг нээх талаар бодож байна.
11-р сарын 5-аас 10-нд Хятадын олон улсын импортын 7 дахь экспо Шанхай хотод болов. Энэ экспод нийт 77 улс орон, Олон улсын байгууллага оролцсон бөгөөд Словак улс анх удаагаа оролцлоо. Хятад Словакийн худалдааны хэмжээ гурван жил дараалан 10 тэрбум ам.доллар давлаа. Словак бол Төв болон Зүүн Европ дахь Хятадын худалдааны дөрөв дэх том түнш бөгөөд импортын хамгийн том эх үүсвэр юм. Бүрэн бус тоо баримтаас үзвэл, Хятадын компаниуд Словак улсад 600 гаруй сая ам.долларын хөрөнгө оруулалт хийж, тус улсад 5000 гаруй ажлын байр бий болгосон юм.
Сэтгүүлч: Та экспогоор дамжуулж эдийн засаг, бизнесийн ямар хүлээлттэй байна вэ?
Физзо: Словак бол 5.5 сая хүн амтай, газар нутаг багатай улс, Хятадтай зүйрлэшгүй зүйл боловч бидний хамтын ажиллагаанд үзүүлсэн харилцан хүндэтгэлийг би маш их үнэлдэг. Бид эрх тэгш түншийн хувьд маш сайн хамтран ажиллаж, хамтын ажиллагааны янз бүрийн боломжуудыг хамтдаа судалж байна. Тиймээс өнөөдрийнх шиг, ялангуяа олон компани оролцож байгаа экспод оролцох нь Словакийн төлөөлөгчдийн хувьд бизнесийн асар том боломж болох нь дамжиггүй. Словак бизнес эрхлэгчдээ Хятадад илүү татан оролцуулах боломжийг олохын тулд бид шаргуу ажиллах хэрэгтэй.
