Өнөөдөр Хятадын Боловсролын яам, Хүний нөөц, нийгмийн хамгааллын яам хамтран ажлын хурал хуралдуулж, 2025 оны их дээд сургууль төгсөгчдийг ажлын байраар хангах, хөдөлмөр, бизнес эрхлэх талаар зохицуулалт хийлээ.

Статистик мэдээгээр, 2025 онд үндэсний хэмжээнд их дээд сургууль төгсөгчдийн тоо 12.22 саяд хүрч, өмнөх оны мөн үеэс 430 мянгаар нэмэгдэх төлөвтэй байна.

Боловсролын яамнаас "2025 оны үндэсний энгийн их дээд сургууль төгсөгчдийн хөдөлмөр, бизнес эрхлэлтийг дэмжих, үйлчилгээний тогтолцоог бий болгох үйл ажиллагаа"-г хэрэгжүүлэхийн тулд бүс нутгуудын их дээд сургуулиудад зохицуулалт хийж байна. Мэдээллийн дагуу, есдүгээр сараас хойш үндэсний хэмжээнд их, дээд сургуулиудад ажилд элсэх 55 мянга гаруй удаа арга хэмжээ зохиож, 10.93 сая ажлын байрны мэдээлэл хангасан байна.