Орон нутгийн цагаар 11-р сарын 19-нд БНХАУ-ын дарга Ши Жиньпин Рио-де-Жанейро хотод болсон "Их 20"-ийн удирдагчдын дээд хэмжээний уулзалтын үеэр Германы канцлер Олаф Шольцтой уулзав.

Ши Жиньпин хэлэхдээ, дэлхийн хоёр, гурав дахь том эдийн засаг, чухал нөлөө бүхий томоохон орны хувьд Хятад Герман нь урт хугацааны, стратегийн үүднээс Хятад, Германы бүх талын стратегийн түншлэлийн харилцааг бэхжүүлэн, харилцан ололт амжилтад хүргэх  хамтын ажиллагааны түүхийг үргэлжлүүлэн бичих ёстой гэжээ.
Ши Жиньпин хэлэхдээ, Хятад улс Германд чиглэсэн маш тогтвортой бодлогоо баримталсаар бөгөөд Германтай хамтран ажиллаж, бие биенийхээ үндсэн ашиг сонирхол, анхаарал хандуулж буй гол асуудлыг харилцан хүндэтгэж, ижил талаа хайж, ялгаатай талаа нөөцлөн, солилцоо харилцан суралцах чадвараа дээшлүүлэхэд бэлэн байна. Европын холбооны гаргасан Хятадын цахилгаан автомашинд гаалийн татвар нэмж ногдуулах шийдвэр нь дэлхий нийтийн анхаарлыг татаж байна. Хятад улс яриа хэлцэл, зөвшилцлөөр санал зөрөлдөөнөө шийдвэрлэхийг баримталсаар ирсэн бөгөөд Герман энэ талаар чухал үүрэг гүйцэтгэнэ гэдэгт найдаж байна гэжээ.