Орон нутгийн цагаар 11-р сарын 22-нд ОХУ-ын Батлан хамгаалах яам мэдээлэл хийж, өнгөрсөн долоо хоногт Оросын арми хэд хэдэн сууриныг хяналтдаа авч, Украины цэргийн аж үйлдвэр, эрчим хүчний байгууламж, цэргийн нисэх буудлууд зэрэгт цохилт өгсөн талаар мэдээлжээ. Мөн Оросын агаарын довтолгооноос хамгаалах систем нь Украины пуужин, их бууны сум, тэсрэх бөмбөг, дроныг амжилттай устгасан. Түүнчлэн, Курск мужид Оросын арми Украины хуягт техник, их буу зэрэг зэвсэгт тоног төхөөрөмжийг устгаж, довтолгоогоо үргэлжлүүлсэн байна гэв. Оросын Батлан хамгаалахын дэд сайд Белоусовын хэлснээр, Оросын арми зарим стратегийн бүсэд Украины шилдэг хүчинд хүнд хохирол учруулж, Украины 2025 оны байлдааны төлөвлөлтөд томоохон саад учруулжээ. Оросын Батлан хамгаалах яам Покровск чиглэлд мина цэвэрлэх ажиллагаагаа эхлүүлсэн гэж тэрээр мэдээлсэн байна.

Тэгвэл мөн өдөр Украины Зэвсэгт хүчний Ерөнхий штаб мэдээлэл хийж, 22-ны өдрийн үдээс хойших байдлаар өмнө фронт дагуу 100 гаруй удаагийн тулалдаан өрнөсөн бөгөөд Курахово болон Покровск чиглэлд тулаан хамгийн ширүүн явгадсан. Украины арми хамгаалалтын шугамаа хадгалж, Оросын армийн олон удаагийн дайралтыг няцаасан байна. Үүний зэрэгцээ, Украины арми Оросын нэг чухал газарт цохилт өгч, тэдний танк, хуягт машин, их буу, дрон зэргийг устгасан. 22-ны өдрийн 17:30 цагийн байдлаар Украины агаарын хүчин Оросын 100 гаруй агаарын довтолгоо илрүүлж, хэдэн арван дроныг устгасан гэжээ.