2024 оны 11-р сарын 23-нд ОХУ-ын Батлан хамгаалах яамнаас мэдээлснээр, Оросын арми олон фронтод довтолгоо хийж, Украины армийн сөрөг довтолгоонуудыг амжилттай няцаасан гэжээ. Тус мэдэгдэлд дурдсанаар, Оросын арми АНУ-д үйлдвэрлэсэн M119 их буу, Германд үйлдвэрлэсэн "Ирвэс" танк зэрэг нийт 20 гаруй танк, хуягт машин, бусад техник хэрэгслийг устгажээ. Мөн Украины Агаарын цэргийн хүчний МиГ-29 сөнөөгч онгоц, 59 зэвсэглэсэн дроныг буудан устгасан гэж мэдээлсэн байна.

Украины Зэвсэгт хүчний жанжин штаб мөн өдөр байлдааны нөхцөл байдлын талаар мэдээлэл хийж, өмнөд фронтын бүсэд 125 удаагийн тулалдаан болсон талаар дурдав. Тухайлбал, Кулахово болон Покровскийн чиглэлд нөхцөл байдал туйлын хурцадмал байгааг онцолжээ. Украины арми Оросын довтолгооныг тогтоон барихын тулд бүхий л боломжит арга хэмжээг авч байгааг мэдэгдэв.

"Ройтерс" агентлаг Украины жанжин штабын эх сурвалжаас иш татан мэдээлэхдээ, өнгөрсөн наймдугаар сард Украин Оросын Курск муж руу довтолж, тухайн үед 1376 км² газрыг хяналтдаа оруулж байсныг дурджээ. Гэвч одоогийн байдлаар Оросын тал нийт хяналт алдсан газрынхаа 40 гаруй хувийг эргүүлэн авч чадсан гэх мэдээллийг дурдсан байна. Энэ талаар Оросын Батлан хамгаалах яамнаас албан ёсны хариу өгөөгүй байгаа аж.