Тянь жинь хотын "Шавар барималчин Жан" бол ойр үед ардын дундаас хөгжиж гарч ирсэн гар урлалын нэрт урсгал бүлэг болно. Үүнийг үүдсэн Жан мин шаниас өнөөг хүрч иртлэх 100 гаруй жилд 5 үе уламжилж, Тянь жиний нэг гайхамшиг гэж нэрлэгдэж байна. Жан мин шань цээж гар их уран хүн байсан аж. Тэрээр шийний тоглолт үзэх зуураа сэмээрхэн ханцуй дотроо ший тоглогчдын өөр өөр дүр төрөх, хөдлөл байдлыг дуурайлган шавар хүн барьдаг байсан бөгөөд тэр нь үнэн хүнтэйгээ маш адилхан болдог байснаараа олноо алдаршсан байлаа. Жан мин шань уран зураг, ший жүжиг, ардын модон барын зураг гэх зэргийн ойролцоо урлагаас шим хүртэж, түүнийгээ шавар барималдаа уусган шингээж, "Шавар барималчин Жан" гэх өвөрмөц урсгал бүлгийг үндэслэн байгуулсан байв.

     Үүнээс гадна Шань дүн мужийн Гао мигийн шавар хүүхэлдэй, Ү шигийн Хүй шаний шавар хүн, Хэ нань мужийн Шюйнь сяний шавар тоглоом зэрэг нь бүр дотоод гадаад нэртэй гар урлалын бүтээгдэхүүн болох юм. Эдгээр нь Хятадын олон газрын өвөрмөц зан заншлыг харуулж, Хятадын уламжлалт соёлын шавар барималыг багтааж, хадгалж цуглуулдаг хүмүүсийн анхаарлыг явах тусмаа улам их татдаг болж байна.