Хятадын өмнөд нутгийн Гуаншгийн Жуан Үндэстний Өөртөө Засах Районы гурван мөрний сав газар дахь Дүн үндэстний өөртөө засах сянь бол үзэмж төгөлдөр уул устай, иргэдийн зан заншил нь маш өвөрмөц байдаг газар юм. Дүн үндэстний "зуун айлын найр" бол түүний доторхи нэгэн онцлог зүйл юм.

     Гуаншигийн Жуан Үндэстний Өөртөө Засах Районы умард хэсгийн гурван мөрний сав газар дахь Дүн үндэстний өөртөө засах сяньд Дүн үндэстний хэдэн зуун айл тосгон байдаг. Чэн Яангийн Дүнчүүдийн тосгон бол тэдгээрийн доторхи хамгийн өнгө үзэмжтэй, иргэдийн зан заншил нь хамгийн онцлог газруудын нэг нь болно. Сурвалжлагч тэндэхийн Дүн үндэстний нэг тосгонд "зуун айлын найр"-ыг сонирхож танилцсан юм.
Тэр найрыг яагаад "зуун айлын найр" гэсэн тухай танилцуулъя. Ардын дунд уламжлагдсан дотогт тэмдэглэснээс үзвэл, эрт дээр үед Дүн үндэстний нэг тосгон үеэрийн гамшигт дайрагдаж, тутрагын тариа усанд автаж, гэр байшин нурж, хүмүүс үеэрийн усанд тэлчилж байсан үед, тэнгэр дээрээс нэг баатар эр бууж ирээд, догшин үер тавьсан хорт мангасыг алсан байжээ. Тэр баатарт хүндэтгэл илэрхийлэхийн төлөө, Дүнчүүдийн айл өрх болгон нь түүнийг залж хоол зооглуулах гэсэн боловч, тэр баатар эр дараа өдрийнх нь үрээр буцах хэрэгтэй асан тул айл өрх болгон түүнийг зочилж чадсангүй яаахаа олж ядаж байхад Дүн үндэстний нэг гоё охин айл болгон хэдэн сайхан хоол бнлтгэн бүх тосгоноороо тэр баатар эрийг хүндтгэн зочилъё гэсэн сайн арга гаргаж өгчээ. Тэр найрт нь зуун гэр бүлийн эзэн оролцсон болохоор, түүнийг "зуун айлын найр" гэсэн байна. Үүнээс хойш Дүнчүүдийн тосгонд хүндэт зочин очих юм уу баярт үйл хэрэг тохиолдсон үед бүр "зуун айлын найр" хийдэг болсон бөгөөд тэр зан зуршил нь одоод хүртэл уламжлагдан иржээ.