Тэр үед галт тэрэг байхгүй байсан тул бид машинаар Халх голыг гатлаад Улаан-Хотод ирсэн юм. Үүнд Багшийн сургуулиас 15, Худалдааны техникумаас 5, Мал эмнэлгийн сургуулиас 5, ингээд бидний 25 хүн ирсэн юм. Тухайн үед Улаан-Хот бол Өвөр Монголын төв нь байсан юм. Бид Улаан-Хотод ирээд Хятадын хувьсгалын онол, хувьсгалын тухай суралцсан, Өвөр Монголын засгийн газраас бидний 25 хүнийг олон газарт томилон ажилуулсан юм. Рэнчин, Чулуун, бид 3-ыг өнөөгийн Өвөр Монгол, тухайн үеийн Сүй юань мужид ажилуулсан юм. Сүүлд нь надыг Сүй юань мужийн үндэстний боловсон хүчний сургуульд ажилуулсан юм.