Үхрийн махан шөлтөй татмал гурил хоол нь Ланьжүчүүдийн гурван эрний хоолонд дутагдаж болшгүй хүнсний зүйл мөн. Ноён Жи Фэнгийн охин Жи Рунрун бол шинэ зүйлийг хүлээж авах дуртай оюутан юм. Тэрээр өнөөгийн Хятадын залуучуудтай адилаар гадаадаас орж ирсэн Кентеж, Майтанлуу зэрэг хоолыг идэж сонирходог боловч багаасаа идэж өссөн үхрийн махан шөлтөй татмал гурил хоол нь түүний амьдралд дутагдаж болшгүй хоол юм ээ.

     Тэрээр хэлэхдээ, би Ланьжүд өссөн болохоор, багаасаа аав ээжийнхээ хийсэн шөлтөй татмал гурил хоолыг идэж өссөн. Үхрийн махан шөлтөй татмал гурил хоол нь манай заншсан хоол болсон гэжээ.

     Өнөө Ланьжүд 1200 гаруй гуанз тусгайлан татмал гурил хоол хийж байгаа бөгөөд тэдгээр гуанзуудын жилийн орлого нь 40 мянга гаруй юаньд хүрч байдаг. 20 ам метр талбайтай жижигхэн гуанзны өдөр тутмын ашиг орлого нь ч 1000 юаниас давдаг байна.

     Үүний зэрэгцээ үхрийн махан шөлтөй татмал гурил хоолыг олон хүн хэрэглэдэг болохоор, Ланьжүгийн үхэр тэжээх ажил төрлийг дайчлан гурил боловсруулах аж үйлдвэр их хөгжиж, орон нутгийн эдийн засгийг хөгжүүлэн ажлын байраар хангах зэрэг талаар чухал үүрэг гүйцэтгэж байна. Сүүлийн жилүүдэд орон нутаг нь үхрийн махан шөлтөй татмал гурил хоолын зах зээлийн стандартыг боловсруулан тогтоосон бөгөөд "Ланьжүгийн үхрийн махан шөлтөй татмал гурил хоол"-ны шошго бүртгүүлсэн байна. Өнөө Ланьжүгийн үхрийн махан шөлтөй татмал гурил хоол нь дээд зэрэглэл тийш, нэрт маркийн болох чиглэлээр хөгжиж байна.

     Өнөө "Ма лань ла мянь" гэдэг аж ахуйн нэгж Хятадын олон газарт 400 гаруй салбар гуанз ажиллуулж байгаагаас Ланьжүгийн өвөрмөц онцлогтой шөлтөй татмал гурил хоолыг Хятадын олон газарт бүр амсаж болно. Тэр ч байтугай, Америк, Франц, Сингапур зэрэг улс орон хүртэл салбар гуанз ажиллуулах болсон байна. Сонсогчид та бүхний хэн аль нь ч магадгүй, Хятадад ажил явдлаар ирэх юм уу дээр дурдсан хэдэн орнуудаар хүрээд "Ланьжүгийн шөлтөй татмал гурил хоол" гэсэн гуанзтай тохиолдвол энэ өвөрмөц онцлогтой татмал гурил хоолыг амсаж болно./Урангоо орчуулж, О. Дарамбаазар хянав/