Интернетын сүлжээ өнгөрөгч зууны 90-ээд оны дунд үеэс Хятад улсад ихээр гараагаа авснаас нааш, маш богинохон хугацаанд түргэн хөгжиж, веб сайт ажиллулж нэрд гарсан их олон бизнесмен төрж гарсан билээ. Бид дэлхийн хятад хэлний хайлтын веб сайт ажиллуулагч Ли Янь-хунгийн тухай та бүхэндээ танилцуулж өнгөрсөн юм. Одоо Хятадын интернетын сүлжээний салбарын бас нэгэн нэрт хүн болох Ма-Юнийг танилцуулья. Ма-Юнь өнөө "Алибаба" хэмээх дэлхийн цахим худалдааны хамгийн том веб сайт ажиллуулж байна. 9 жилийн өмнө, хүмүүс түүнийг мэддэггүй байсан бол, 9 жилийн дараа нэг удаагийн хавсарган нэгтгэлт нь түүний нэрийг ерөнтцийн чихнээ дуулгасан юм.

     9 жилийн өмнө, Ма-Юнь интернетын сүлжээний компаниа танилцуулж байсан үед Хятадын иргэд интернетын сүлжээний тухай сайн мэдэхгүй байсан тул, Ма-Юнь айл өрх дараалан явж өөрийн веб сайтаа танилцуулж байжээ. Тухайн үед Ма-юанийг зарим хүмүүс хууран мэхлэгч гэж үзэж байлаа. Гэвч 9 жилийн дараа, Ма-Юнь энэ оны 8-р сард Бээжинд хийлгэсэн хэвлэлийн бага хурал дээр, Алибаба компани нь Yahoo-гийн Хятад дахь бүх хөрөнгийг худалдан авснаа зарласан бөгөөд Yahoo-гийн 1 тэрбум ам.долларын хөрөнгө оруулалтыг хүлээн авснаа мэдэгджээ. Энэ бол Хятадын интернетын сүлжээний түүхэн дэх хамгийн том хавсарган нэгтгэлт болно. Ма-Юнь хэлэхдээ: "2005 оны 7-р сарын 26-ны өдөр би Америкт хүрснийхээ дараа, тэндэхийн өмгөлөгч нарт ийм нэг үг хэлсэн юм: Энэ бол Алибаба Yahoo-гийн Хятад дахь хөрөнгийг худалдан авна, харин хамтарсан хөрөнгө оруулалтын ажиллагаа биш, Yahoo Алибабаг худалдан авах явдал нэн ч биш. Ийм суурьгүй бол бид ярих шаардлагагүй гэж хэлсэн" гэжээ.