Сайн-Өлзий: Би одоо Хятадын Өвөр Монголын Өөртөө Засах Рйоны Шилийн Гол Аймгийн Төв Шилийн хотод нэгэн хүнтэй уулзаад ярилцлага авч байна. Энэ хүний нэрийг Цогтнаран гэдэг. Одоо тэр Хятадын зохиолчдын эвлэлийн Өвөр монголын хувиар нийгэмлэгийн гишүүн, Шилийн гол аймгийн "Шилийн гол" сэтгүүлийн ерөнхий найруулагчаар ажиллаж байна. Өрөө бол яруу найрагч хүн, "Ил газрын нууц" "Далд өндөр уул" гэдэг ихэр хоёр шүлгийн түүвэртэй. Мэдээж хэрэг та Монгол улсын яруу найрагчдын бүтээлээс их сонирхож байдаг байх. Тэгвэл Монголын уран бүтээлчид болон таны сэтгүүлийн хоорондох ажил төрлийн хэлхээ холбооны тухай ярьж өгөх үү.

     Цогтнаран: Энэ асуулт нь миний ажилтай шууд холбоотоай байгаа тул надаа нэн илүү тааламжтай байна. Манай "Шилийн гол" сэтгүүл бол Хятадын умард орны шилдэг сэтгүүл гэдэг цолтой сэтгүүл болох юм. "Шилийн гол" сэтгүүл бас гадаадын шилдэг уран зохиолын булан байдаг, энэ булангийн нэрийг "Сувдын шигтгээ" гэдэг юм. Бид 1980 онд сэтгүүл эрхлэснээс эдүүгээ болтол "Сувдын шигтгээ" гэдэг буландаа Монгол улсын нэр хүндэт, шилдэг яруу найрагч, зохиолчдын бүтээлүүдийг нийтэлсээр ирсэн юм.