Хятадын баруун өмнөд нутгийн Юннань мужийн төв Күнмин хот бол эртнээс аваад " мөнх хаварт хот" гэсэн алдартай. Хятадын умард нутагт цасан лавсаа бууж байхад, Күнмин хотод урьхан хавар шиг урин дулаан байдаг. Энэ үе бол Күнмин хотод жуулчлах хамаг ая тохитой үе мөн. Өнөөдрийн Хятадын аялал жуулчлал нэвтрүүлгийн шинэ дугаараар Күнмин хотын нутгийн идээн ундаагаас танилцуульяа.

     Күнмин хотын дүүргэд байрдлаж байгаа Цүй хү нуурт жил болгоны 12-р сараас 3-р сарыг хүртэл улаан хошуут цахлай түмэн газрын алс хол умард нутгаас энд нисэн ирж өвөлждөг байна. Энэ хугацаанд Күнмин хотын маш олон хүн нуурын хөвөөнд хүрч цахлай шувуунд хоол өгөх явдлыг өөрсдийнхөө өдөр болгоны заавал гүйцэтгэх ажил болгож, хүн болон шувуу эе найртай байгаа энэ байдал нь гадар нутгаас хүрэлцэн ирсэн тэдгээр жуулчдын сэтгэл хөдөлгөж, тэд ч энэ хотын энэхүү сайхан байдалд сэтгэл татагдан, мөн улаан хошуут цахлайг тэжээх эгнээнд орж, бас зарим нь үдэд буюу оройдоо энэ хотын жижиг гуанз, цайны мухлагт сууж амьдралын сайханыг эдлэж байдаг юм байна.

     Баялаг агуулгатай идээн ундааны соёл бол Күнминчүүдийн амьдралд дутагдаж болшгүй нэг бүрэлдэхүүн хэсэг нь юм. Юннань бол амьтан ургамалын баялаг өвтөй нутгийн нэг юм. Күнмингийн нутгийн хоол унд маш олон төрөл байдаг. Күнмингийн нутгийн идээнийг амсаж өнгөрсөн хүмүүс тэдний энэ сайхан амтат идээнүүдийг хэзээ ч мартдаггүй юм. " Тэнгэр дээр нисдэг, газар дээр ургадаг, усанд шумбадаг" бүхнээр амтат хоол хийж, ховор нандин биш, хамгаалалтад хамрагдаагүй л юм бол Күнмингийн хүмүүс бүр хоол зуушиндаа хэрэглэж байдаг.

     Хятад улсад найман том зуушны төрөлтөй байдагыг Хятадын идээн ундааны соёлыг ойлгодог хүмүүс сайн мэдэж байгаа нь гарцаагүй. Тэдгээр нэртэй нэртэй зуушийг Шандун зууш, Сь чуань зууш, Гуандун зууш, Сүжөү зууш, Жэзян зууш, Хунань зууш, Аньхүй зууш гэж хуваадаг. Тэхэд энэ найман нэртэй зуушинд Юннаны зууш хамрагдаагүй нь гайхалтай юм.