Хятадынхан баяр дурсгалын өдөр болоход дэнлүү өлгөж хөөр хөгжөөн нэмдэг бөгөөд ялангуяа цагаан сарын 15-ндаа дэнлүүний наадам зохиодог зан зуршилтай юм.

     Хятадын дэнлүүний урлагийн соёл нь өнө удааны түүхтэй юм. Үүнд уламжлалт соёл гүн зузаан агуулагдаж байдаг бөгөөд маш их дорнын онцлогтой байж, олон зуун жилийн турш Хятадын ард түмний уран сайхан сэтгэхүй гоц мэргэн авъяас чадварын бүрэлваа болсоор ирсэн билээ.

     Манай тооллын өмнөх 2-р зууны Хань улсын үеийн хаан жил болгоны цагаан сарын 15-ны өлзийт боовны баяр болох бүр хот хөдөө гэсэнгүй айл гудамж болгонд өнгөт дэнлүү өлгөх тогтоол гаргаж, хаан эзэн хатад, түшмэдээ дагуулан ордноосоо гарч, наадан зугаалж, ард иргэдтэйгээ хамтаар наргиж байсан учраас өлзийт боовны баярыг бас дэнлүүний бая гэдэг болсон байна. Хожим нь өлзийт боовны баярыг улс орны чухал баярын өдрөөр албан ёсоор нотлон тогтоосноос хойш, дэнлүүний баярын цар хэмжээ цаашид өргөжиж, ялангуяа хөл хөдөлгөөн ихтэй том гудамжууд болон соёлын төвүүдэд их цар хэмжээний дэнлүүний үзэсгэлэн цуглаан зохиож, хааны ордон, сүм хийд, баяд ноёдын ордон харшинд ч их олон дэнлүү өлгөж, бүх хотоороо өнгийн дэнлүү гэрэлтүүлж, эрэгтэй эмэгтэй настай залуу гэсэнгүй шөнөжин дэнлүү сонирхож, оньсого тааж, луут дэнлүү тоглуулдаг. Хүмүүс дэнлүү өлгөж сонирхож баярлах төдийгүй бас олон дэнлүүтэй сайхан дэнлүүтэйгээрээ бахархаж, ур дэмээ гайхуулж байсан тул өлзийт боовны бая нь дэнлүү хийх ур мэргэжлээ сорих уралдаан тэмцээн болж байсан аж. "Жил жил он онд цэцэг адильхан ургадаг боловч Он он жил жилд дэнлүү адильгүй байдаг" гэж өлзийт боовны баярыг дүрсэлдэг шиг дэнлүүний урлаг нь он цагийн урсгалд ингэж улиран өөрчлөгдөж хөгжиж ирсэн юм.