Харин Цагаан сарын хувьд бол Хятадын ард түмний уламжлалт баяр учраас хөл ихтэй нижгэр тэмдэглэдэг байнаа. Хот орон газар суугаа олон сая хүмүүс ийш тийшээ явж, хөдөө нутагт очиж шинэлж золгодог юм байна. Энэ үед нь ялангуяа төмөр замын нь ачаалал маш их болдог юм байна. Тийм учраас энэ жилийн хувьд гэхэд л 1-р сарын 14-нөөс 2-р сарын 18 хүртэлхи хугацаанд цагаан сарын зорчигчидод зориулж 40 хоногийн ажил өрнүүллээ. Энэ хугацаанд давхардсан тоогоор 140 сая хүн хот хооронд зорчиж цагаан сарын золголт хийлээ гэж саяхан мэдээлж байна лээ.

     Мөн түүнчлэн Тайвань болон Эх галрынханы хооронд иргэдийн цагаан сарын үйлчилгээнд агаарын тээврийн компаниуд гэрээ хийж тусгай чартерийн онгоцоор үйлчлэж байлаа. Сонирхуулж хэлэхэд Цагаан сарын битүүний орой Бээжин хот тэр аяараа цаасан пуужингийн манайхаар бол сальютын буудлагаар нүргэлж, өнгө өнгийн гэрэлд умбах юм. Энэ ёслол нь Цагаан сарын үеэр гэр орныхоо, гадаа орчиныхоо муу муухайг, харанхуй бүхнийг хөөн зайлуулж, гэрэл гэгээгээр сүлэн цайруулж буй хэрэг юм. Мөн түүнчлэн Хятад хүмүүсийн баяр ёслол тэмдэглэж буй сэтгэлийн илэрхийлэл болох юм.