|
Докторантын жолоодогч багш, доктор, профессор Ван • Мандаа
| Хятад Монгол хоёр орны олон салбар дахь харилцаа холбоо жилээс жилд өргөжин тэлж гүнзгийрэн хөгжиж байна. Үүний нэг ил тод илэрэл нь хоёр орон соёл, боловсролын салбарт нягт хамтран ажиллаж байгаа явдал юм. Хятад улсын үндэстний цөөнхийн нэрт их их сургууль болох Төвийн Үндэстний Их Сургууль нь Монгол улсын их дээд сургууль, эрдэм шинжилгээний байгууллагуудтай хэрхэн хамтран ажиллаж байгаа байдлыг ойлгохоор Хятадын Олон Улсын Радиогийн сурвалжлагч О.Дарамбазар саяхан уг сургуулийн Үндэстний Цөөнхийн Хэл, Утга Зохиолын Дээд Сургуулийн орлогч захирал, монгол хэл, утга зохиолын салбарын эрхлэгч, докторантын жолоодогч багш, доктор, профессор Ван.Мандааг сурвалжилсан юм.
Сурвалжлагч: Таныг энэ оны 1-р сард Монгол улсад очоод ирлээ гэж сонссон. Албаны шугмаар уу хувийн шугмаар явсан бэ? Айлчлал амжилттай юу?
Доктор, профессор Ван.Мандаа : Айлчлал маш их атжилттай болсон. Монгол улсын УБИХ-ийн захирал Байгальсайханы урилгаар, би хоёр сургуулийнхаа гэрээний дагуу эрдэм шинжилгээний хамтын ажиллагаа өрнүүлэх зорилготой тэнд сарын хугацаатай айлчлаад ирлээ. Бид УБИС-тай нодниноос эхэлж гэрээ байгуулаад, багш ажилтан солилцож, эрдэм шинжилгээний хамтын ажиллагаа хийж байна. Жишээлбэл 2005 онд УБИС-ийн доктор, профессор Байгальсайхан, доктор, яруу найрагч Сумьяа урилгаар маны сургуульд ирж тус тус 1 сарын хугацаатайгаар оюутан, аспирант нарт эрдэм шинжилгээний тусгай сэдвүүдээр лекц уншиж хичээл орсон юм.
1 2 3
|
