Өнө мөнхийн халуун бүсийн диваажин хэмээгдсэн үзэсгэлэнт сайхан Санъяа хот дэлхийн гоо бүсгүйчүүдийг байн байн татдаг увидастай. Энэ хотод 2004, 2005 онуудад тус тус "дэлхийн мисс"-н тэмцээн зохион байгуулагдсанаас хойш энэ жил Санъяа хот уг тэмцээнийг дахин зохион байгуулахаар болжээ.

     Хайнань арал нь талбайгаараа хамгийн жижигт тооцогдох Хятадын нэг муж юм. Хятадын Эдийн засгийн онцгой район- Хайнань мужийн аялал жуучлал сүүлийн жилүүдэд асар хурдацтайгаар хөгжихийн хирээр, дотоод гадаадын үй олон жуучдын анхаарлыг татан, харцыг нь булаах болсон юм. Шинжлэх ухаанч хөгжлийн зорилтыг эрчимжүүлж, Хятадын өнцөг булан бүрийн хөгжил дэвшлийн өнөөгийн байдлыг мэдээлж нийтэд хүргэх төвийн хэвлэл мэдээллийн сэтгүүлчдийн багийн нэг гишүүний хувиар би Хайнань аралд томлогдон ирсэн. Тэгээд Санъяа хотод ажиллаж байхдаа азаар "дэлхийн мисс"-н тэмцээнд Монгол Улсыг төлөөлөн оролцож байгаа Оюунгэрэлтэй уулзсан билээ. 

     12-р сарын 1-ний өдөр шагнал гардуулах ёслолоо хийх 57 дахь удаагийн "Дэлхийн мисс" тэмцээн нь 11-р сарын 2-нд Саньяа хотноо нээлтээ хийсэн. Уг тэмцээнд 110 гаруй улс орон, бүс нугийн гоо бүсгүйчүүд оролцохоор бүртгүүлээд байгааг тэмцээний зохион байгуулах хорооноос мэдээлэв.

     Ингээд олон үг нуршилгүй, та бүхэндээ мисс Оюунгэрэлтэй хийсэн ярилцлагаа сонирхуулья.

    -Санъяа хотод ирээд сэтгэгдэл хэр байна?

     -Би анх удаагаа Санъяа хотод ирж байна. Эндхийн уур амьсгалаас эхлээд маш их таалагдсан. Одоо Монголд өвөл болж байгаа болохоор их хүйтэн байгаа, тэгээд хүйтэн газраас дулаахан газарт ирэхээр маш гоё санагдаж байна. Эндхийн байгаль нь үзэсгэлэнтэй, зочид буудал нь тохитой, тэгээд цугласан охидууд нь ч үнэхээр гоё, бас найзархаг, хөөрхөн, бид нар маш сайн найзууд болж байгаа. Надад энэ тэмцээн болон энэ хот маш их таалагдаж байна. Энэ хотод би маш их татагдаж байна.

     –Санъяа хотын дурсгалт газруудаар явсан уу?

     -Хоёр гурван газраар явсан, мөн Саньяа хотод болж байгаа дэлхийн дугуйны уралдааны нээлтийг үзсэн. Монголоос бас тамирчин ирсэн байсан, тэднийгээ дэмжиж нээлтэнд нь оролцсондоо маш их баяртай байгаа.

     -Тэмцээндээ хир бэлтгэж байна?

     -Би 11 сарын 1-д ирсэн, нийтдээ сарын турш Санъяа хотод байна, тэгээд дундуур нь бас Бээжин явна. Ерөнхийдөө өдөртөө бэлтгэлээ хийж байгаа, тэгээд бусад орныхоо охидуудтай танилцаж найзлаад маш сайхан байна.