2002 онд Чэнь Дайрүнгийн удирдсан анги Эритри улсад очиж мина цэвэрлэх тусламжийн сургалтын үүрэг гүйцэтгэв. Ус дутагдалтай халуун бүсийн нөхцөл тааруухан энэ орны мина цэвэрлэх талбайд тэр хамгийн түрүүнд явж, аюултай түвэгтэй байдлыг заавал өөрөө зохицуулдаг байна. Эритрийн Сайба тосгоны ойролцоох минаны хоёрдугаар талбайд байрлуулсан мина хэдэн арван мянгад хүрч байсан болохоор нутгийн иргэд "үхлийн бүс" гэж нэрлэж, Эритрийн мина цэвэрлэх анги айгаад хөдөлгөж чадахгүй байжээ. Чэнь Дайрүн хүрээд "миний мөрийг дагаад яваарай, мина гэшгэхэд хүрвэл би хамгийн түрүүнд унах болно" гэж аюулын өмнө өөрөө түрүүлэн явав . "Удирдагчийн хувьд бүх ажлыг заавал биечлэн гүйцэтгэх шаардлагагүй "гэж хүмүүс түүний өмнөөс сануулж хэлэхдэд, "туршлаггүй хүнээр хийлгээд осол эндэл гарвал суралцагсадын урам зоргийг нөлөөлж бүхийл мина цэвэрлэх ажилд хохирол учруулах болно. Бид Хятадын Ардын Чөлөөлөх Арми, Хятадын ард түмний нэрийн өмнөөс харь оронд ирж ажиллаж байна шүү " гэж хэлдэг байлаа. Түүний аюултай байдлын өмнө арга ухаан, итгэлтэй, амь бие хайргүй ажиллах суртал нь Эритрийн мина цэвэрлэгч цэргийн ангийн офицер дайчдын урам зоргийг хөгжөөж, сургалтын ажил амжилтад хүрсэн байна. "Миний бэлтгэсэн суралцагсадын дундаас илүү нэг хүн мэргэжлийн түвшин хангаж чадаж байвал бүхийл мина цэвэрлэх ажилд нэг мөрийн хүчин нэмэгдэх болно, энхийг эрхэмлэгч Хятадын ард түмний шудрага санааг нэн олон хүн ойлгох болно" гэж тэр сэтгэл өндөр хэлж байна.

      Гадаадад туслан мина цэвэрлэх хоёр удаагийн сургалтаар дамжин Хятад улс мина цэвэрлэх тэргүүний техник мэргэжлийг Эритрид олгосон төдийгүй 50 мянган хавтгай дөрвөлжин километр газрын минаг цэвэрлэхэд нь туслаж, 600 гаруй ширхэг мина усатгасан байна.