Тэр нурсан байшингийн бүтэц байгуулалт маш будлиантай байсан тул авран туслах ажил маш бэрхшээлтэй байв. Гэвч Оросын олон улсын авран туслах ангийн маш их туршлагатай ажиллаж байгааг үзсэн хүн бүхэн сэтгэл тайвширч байлаа. Оросын олон улсын авран туслагчид шуурхай ажиллаж, асар том хавтанг 1 метр урт, хагас метр өргөн цоолж байгаад, 127 цаг дарагдаад байсан тэр эмэгтэйг аюулгүй авран гаргаж авчээ. Оросын олон улсын авран туслах анги тухайн газарт нь хүрч, аппарат хэрэгслээ угсран, Шюй Рүншинг авран гаргаж автал бүтэн цаг ч хэрэгсэнгүй аж. Авран туслах бүх явцыг харж байсан хүмүүс дуу алдан магтаж байлаа. Мөн тэдний нэг болох тухайн нутгийн суугааль иргэн Вэй Жүн хэлэхдээ, Оросын олон улсын авран туслагчид хүрэлцэн ирснээр гамшиг гарсан нутгийн иргэдэд үзэл санааны талаар бас нэг мөрийн хүч нэмсэн юм. Ийм болохоор олон улсын авран туслагчдад бид чин сэтгэлээсээ баярлан талархаж байна гэжээ.