Хүчин чадалтайгаа дүйцсэн бүтээлч үүрэг гүйцэтгэнэ

      20 орны бүлгийн удирдах хүмүүсийн банк санхүүгийн асуудлаарх дээд хэмжээний 2-р уулзалт 4-р сарын 2-ны өдөр Лондонд болох гэж байна. Олон улсын банк санхүгийн хямрал цаашид газар авч, дэлхийн эдийн засгийн байдал маш хүндрэлтэй байгаа нөхцөл байдалд, улс орнууд энэ дээд хэмжээний уулзалтад маш их хүсэл найдвар тавьж байна. Уулзалтын зочлогч орон Английн Ерөнхий сайд Браун саяхан хэлэхдээ, Хятад улс бол олон улсын холбогдох зөвшилцлийн чухал оролцогч мөн болохоор энэ дээд хэмжээний уулзалтад маш чухал юм гэжээ.

     Дэлхийн эдийн засгийн чухал хөдөлгүүр хүч болсны хувьд олон улсын банк санхүүгийн хямралыг зохицуулах талаар Хятад улс өөрийн хүчин чадалтай дүйцсэн бүтээлч үүрэг гүйцэтгэж, олон улсын хамтын нийгэмлэгтэй хамтаар хүндрэл бэрхшээлийг даван туулах болно гэж холбогдох мэргэжилтэн илэрхийлжээ.

     Энэ дээд хэмжээний уулзалтад Хятадын гүйцэтгэх үүргийн талаар хүмүүс маш өндөр найдвар тавьж байгаа бөгөөд хятад улс мөн энэ уулзалтад нэлээд өндөр найдвар тавьж байгаа юм. Хятадын Гадаад хэргийн яамны орлогч сайд Хэ Я-фэй энэ уулзалтад Хятадын тавьж байгаа найдварыг таван талаар хураангуйлав.

      Нэгд өмнөхөө харах үзэл санаагаар эв санааны нэгдлээ эрчимжүүлж, зах зээл болон хүн ардын итгэлийг нэмэгдүүлэх ёстой. Хоёрт талууд өөр өөрийн байдлын дагуу эдийн засагт сэдэлт өгөх төлөвлөгөө боловсруулахад цаашид тус дөхөм үзүүлж, макро эдийн засгийн бодлогын зохицуулалтыг эрчимжүүлэх хэрэгтэй. Гуравт олон улсын банк санхүүгийн байгууллагын өөрчлөлтийн талаар гол чухал зүйлийн ахиц хийж, ялангуяа шинээр хөгжиж байгаа зах зээл болон хөгжиж байгаа орнуудын төлөөлөл, үг хэлэх эрхийг нэмэгдүүлэн, үний төлөө тодорхой, зорилт бүхий замын зураг болон цагийн хуваар тогтоох хэрэгтэй. Дөрөвт худалдааны ивээх үзлийг эрс эсэргүүцэж, Дохагийн уулзалт хэлэлцээг бүх талын, тэнцвэртэй үр дүнд хүргэх хэрэгтэй. Тавт хөгжлийн асуудалд анхаарал хандуулж, банк санхүүгийн хямралыг зохицуулахын төлөө хөгжиж байгаа орнуудад үзүүлэх тусламжаа багасгах явдлыг онцгойлон зайлуулах хэрэгтэй гэжээ.