8-р сарын 27-ны үдээс хойш Монгол улсын Монгол Ардын Намын ерөнхий нарийн бичгийн дарга У.Хүрэлсүхээр ахлуулсан Монгол Ардын Намын төлөөлөгчид Хөх хотын БайТа онгоцны буудалд хүрч ирснээр ӨМӨЗО дахь албан ёсны айлчлалаа эхлүүлсэн байна.
28-ны өдрийн үдээс өмнө ӨМӨЗО-ны намын хорооны ерөнхий нарийн бичгийн дарга Хү Чүньхуа, ХКН-ын Төв хорооны гадаад харилцааны газрын орлогч дарга Лю ЖеИ, ӨМӨЗО-ны намын хорооны байнгын гишүүн, Хөх хотын хорооны ерөнхий нарийн бичгийн дарга Ханьжиран нарын бараа бологчдын хамт Монгол улсын МАН-ын төлөөлөгчид Хөххотын хот тохижуулалтын ордонд хүрэлцэн ирж, Хөххотын хот тохижуулалтын төлөвлөгөө, зам харилцаа, экологийн хамгаалалт, нийтийн төхөөрөмж, шинэ хөдөө тосгоны төлөвлөгөө зэрэг байдалтай танилцжээ.
Төлөөлөгчид ӨМ-ын музейд хүрэлцэн ирж, Өвөр монголын өөртөө засах орны балар эртний экологийн хувирал хөгжил, газар зүйн онцлог, Өвөр монгол Хятадын сансрын үйлст үзүүлсэн хувь нэмэр зэрэг байдалтай газар дээр нь танилцсаны зэрэгцээ мөн өдрийн үдээс хойш, төлөөлөгчид ӨМӨЗО-ны сүүн бүтээгдэхүүний улсын хэмжээний томоохон группийн нэг болох Мэнниү группд хүрч ирсэн бөгөөд уг группийн Австрали Азийн жишээ үзүүлэх фермерийн аж ахуйн дүүрэгт хүрч, тэндэх ажилтай танилцсан байна.
Айлчлалын үеэр МАН-ын төлөөлөгчид ӨМӨЗО-ны ӨМБИС-ын (Өвөр монголын багшийн их сургууль) Хорингэр шянь дахь сургуулийн шинэ хотхоноор тойрон үзсэний зэрэгцээ ӨМБИС-ын ерөнхий байдал, боловсролын байгуулалт, сурган хүмүүжлийн үр ашиг зэрэг ажил байдалтай танилцсан бөгөөд оюутны сурлага амьдралыг ойлгож, ӨМБИС болон Монгол улсын их сургуулиуд, судалгааны холбогдох байгууллагаа нэгжтэй хамтын ажиллагаа өрнүүлж байгаа байдал зэрэгтэй танилцсан байна. Мөн үдээс хойш Монгол Ардын Намын төлөөлөгчид Хөх хотын Экологийн парк болон Хөх хотын Их зуу хийдэд хүрч тойрон үзсэн байна. Монгол Ардын Намын төлөөлөгчид Хөх хотын нийгэм, эдийн засгийн хөгжилд өндөр үнэлгээ өгсөн байна. \www.solongo.net.cn-ээс\
Өдөр дутмын 
