Шигтгээ урлалын дархан Гү Гүөчяний урлаж буй чимэглэлийг хэдэн хоногийн дараа гадаадад экспортлох гэж байна.

Өнгөлөг утастай шигтгээг бас алтан шигтгээний урлал гэдэг. Мянга гаруй жилийн түүхтэй, алт мөнгө зэрэг медалийг сунгаж татаад нарийхан утас болгож, ороох нэхэх зэрэг урлагаар янз бүрийн хэлбэр дүрстэй чимэглэл хийж, дээрээс нь хаш эрдэнэ зэргийг шигтгэдэг. Энэ нь Хятадын орд харшийн урлалын төлөөлөл бөгөөд 2008 онд үндэсний зэрэглэлийн биет бус соёлын өвөөр бүртгэгджээ.

28 настай Гү Гүөчян 2016 оноос Бээжингийн хааны ордны музейд түүхэн дурсгалт зүйлсийг засварлан сэргээх мэргэжил сурч байхдаа шигтгээ урлалтай анх танилцсан гэдэг. 2017 онд тэрээр ахмад дарханд шавилан, алтан шигтгээг сурч, уламжлалт гар урлалыг орчин үеийн гоо сайхны мэдрэмжтэй хослуулан, бүтээлч урлалдаа өрнө дахины гоо сайхны үзэл санааг ч шингээж байлаа.

Гү Гүөчяний хамт олон өдгөө өдөрт мянга орчим бүтээл урладаг бөгөөд ихэнхийг нь гадаадад борлуулдаг. Түүнтэй хамт ажилладаг 20 гаруй ажилтны олонх нь 90-ээд онд төрсөн залуус юм.